Mesfushori shkodran Erjon Vucaj pritet te firmose dhe te prezantohet sot zyrtarisht tek skuadra e tij e re. Dhe ajo nuk eshte Vllaznia e Shkodres siç u perfol, por 31 vjeçari do te firmose tek skuadra e nje qyteti rreth 40 km larg saj, pikerisht Deçiç e Tuzit.
“Shkodra Sport” e kishte paralajmeruar paraditen e sotme dhe ne oret ne vijim mendohet te vije edhe zyrtarizimi i ketij transferimi i futbollistit qe deri dje ishte pjese e Drites se Gjilanit.
Mesfushori shkodran ne kete menyre do te vijoje karrieren ne nje kampionat te ri, ate malazez te futbollit. Mesohet se Vucaj do te jete pjese e Deçiç per nje sezon e gjysem dhe shifrat e kontrates duken shume te pelqyeshme.
Me marrjen e ketij lojtari, Deçiç i presidentit Pal Dreshaj, konfirmon edhe njehere faktin se deshiron te luftoje deri ne fund per titullin kampion. Ai per momentin ndodhet ne vendin e dyte te renditjes, me 8 pike larg Sutjeskes se vendit te pare, por me disa levizje qe mendohet te beje ne merkato, pritet qe te synoje deri ne fund titullin.
Levizjen e pare ne fakt Deçiç e ka bere teksa sot ka prezantuar nje blerje te rendesishme, ate te Aleksa Marusiç, lojtari qe e ka marre pikerisht nga Sutjeska e vendit te pare. Dhe pasdite mund te vije edhe firma e Erjon Vucajt qe me siguri nuk do te jete e fundit./SHKODRA-SPORT.COM/
