Vllaznia zyrtarizon një tjetër përforcim të merkatos. Bëhet fjalë për mbrojtësin kosovar Fatbardh Latifi i cili pak minuta më parë është prezantuar nga ana e klubit shkodran. Kontrata e tij do të jetë njëvjeçare me të drejtë zgjatje edhe një vit tjetët dhe kuqeblutë shpresojnë të kenë gjetur qendërmbrojtësin e duhur.
Ja njoftimi i KF Vllaznia për këtë përforcim të rradhës:
“Mirë se vjen, Fatbardh Latifi!
KF Vllaznia ka kënaqësinë të njoftojë arritjen e marrëveshjes me mbrojtësin qendror Fatbardh Latifi, i cili do të jetë pjesë e skuadrës sonë me kontratë 1+1 vjeçare.
Latifi vjen pas paraqitjeve të mira në futbollin e Kosovës dhe transferimi i tij realizohet në kuadër të bashkëpunimit ndërmjet KF Vllaznia dhe klubit Trepça ’89.
I urojmë Fatbardhit shumë suksese me fanellën kuqeblu dhe sa më shumë arritje në rrugëtimin e tij me Vllazninë!
Mirë se erdhe në familjen kuqeblu!”
