Vllaznia në futboll për femra është rikthyer tek fitorja në kampionat. Pasditen e sotme ajo ka fituar me rezultatin e thellë 9-0 në “derbin” ndaj Atletik Klub në ndeshjen e luajtur në fushën sportive “Reshit Rusi”.
Katër prej golave të kësaj ndeshje mbajnë firmën e kapitenes Megi Doçi, ndërkohë që sulmuesja Klaudia Borci ka shënuar tre gola në këtë takim. Dy golat e tjerë u shënuan nga Rosela Vasa dhe Ecrin Ileri.
Me këtë fitore Vllaznia është ngjitur në kuotën e 15 pikëve duke qenë e pozicionuar në vendin e tretë të renditjes, ndërkohë që përparra saj janë Apolonnia dhe Teuta, dy skuadra që do të ndeshen me njëra- tjetrën nesër.
Burimi: Gazeta “Shkodra Sport”


