Në Shqipëri janë përmirësuar ndjeshëm terrenet sportive në krahasim me vitet e mëparshme, megjithëse ka ende punë për të bërë për të shkuar atje ku duhet. Por duket se gara e ndezur dhe njëkohësisht arenat më të mira po afrojnë disi tifozët me klubet e tyre, për t’i ndjekur në stadium.
FrontOnline ka publikuar statistikat e ndjekjes së tifozëve në stadiume për Superioren dhe futbollin në Kosovë. Sa i përket futbollit shqiptar është Tirana që kryeson me 7000 tifozë, pas saj vjen Vllaznia me 4330 tifozë dhe më pas Partizani me 1200 tifozë.
Vllaznia deri me tani ka luajtur vetem 3 ndeshje ne stadiumin e saj, ato ndaj Teutes, Dinamos dhe Tiranes dhe mesatarja e tifozeve eshte ne kete kuote, por sigurisht qe mund te ishte edhe me lart, por ne kete mes duket se ka ndikuar çmimi i biletave.
Mesatarja e tifozëve këtë edicion deri tani në Superiore:
Tirana – 7000 tifozë
Vllaznia – 4330 tifozë
Partizani – 1200 tifozë
Skenderbeu – 1170 tifozë
Dinamo – 1050 tifozë
Teuta – 800 tifozë
Kukesi – 650 tifozë
Egantia – 640 tifozë
KF Laçi – 450 tifozë
Kastrioti – 400 tifozë.
