Një sfidë e re në hosrizont mes Cristiano Ronaldo-s dhe Lionel Messi-t. Kampioni portugez dhe kampioni i botës argjentinas do të jenë përsëri përballë tjetrit në miqësore më 19 janar.
PSG i Messi-t do të sfidojë një skuadër me lojtarë të klubeve sauditë të Al-Hilal dhe Al-Nassr. Ndeshja e shumëpritur ka filluar të çmendë që tani tifozët.
Ndërkohë, siç ka zbuluar Reuters, është nxjerrë në ankand një biletë që e lejon zotëruesin e saj të ndjekë ceremoninë pas ndeshjes, të shkojë në dhomat e zhveshjes dhe, qershia mbi tortë, të takohet personalisht me Ronaldo-n dhe Messi-n.
Për momentin, oferta më e lartë që është bërë është prej 2.5 milionë euro nga ana e drejtorit të përgjithshëm të grpit të pasurive të patundshme AqarOne.
