U tha se klubi i Kukesit do te bashkepunonte me te parin ekip kampion te femrave ne vendin tone, Tirana AS, per t’i marre lojtaret te cilat ne sezonin e ri do te perfaqesonin verilindoret ne kampionatin e ri, por ne fakt do te jete ndryshe.

“Shkodra Sport” edhe para pak ditesh konfirmoi lajmin se klubi i Kukesit do te bashkepunonte ne fakt me KF Murlanin. Ky i fundit siç eshte bere tashme e ditur eshte lene jashte kampionatit nga FSHF dhe si rrjedhoje drejtuesit e tij per te mos mbetur pa luajtur kane vendosur t’i kalojne tek klubi kukesian per te luajtur me logon e tyre ne kampionatin qe starton kete fundjave.

Gazeta “Shkodra Sport” meson se jane plot 15 futbolliste te Murlanit tashme jane federuar me ekipin e Kukesit. Behet fjale per lojtare si Paula Jaku, Denada Avullija, Matilda Tanushi, Ana Kola, Elsaida Muçejani, Madalena Rrotaj, Enxhi Selimi, Jozefina Smajlaj, Edlira Çerkini, Rosela Vasa etj. te cilat tashme do te perfaqesojne nje ekip te ri.

Nderkohe ende nuk dihet se kush do te jete trajneri i ri dhe vendi se ku do t’i luajne ndeshjet. Me shume gjasa, Kukesi pritet te luaje ne fushen sportive te Murlanit ne Barbullush. Diçka absurde ne fakt. Krijohet nje ekip i ri qe nuk ka asgje, as futbolliste, as trajner, edhe ndeshjet i luajt jashte dhe ka vetem emrin.

Kjo mbetet per t’u pare sepse kete te shtune do te nise kampionati i ri i futbollit te femrave ne javen e pare ekipi i Kukesit do te prese ne fushen e tij ate te Tiranes ne ndeshjen qe do te startoje ne oren 13:00.

Nje levizje absurde kjo per te krijuar ekipe femrash klubet e futbollit qe duan te luajne ne Europe me ekipet e meshkujve dhe nga ana tjeter, shkrihet qe ekip tjeter qe e kishte marre me shume deshire investimin edhe ne futbollin e femrave!!!