Ka marre nje ndryshim te papritur plani i pergatitjeve per ekipin e Vllaznise. Nga sa mesohet, trajneri Brdariç gjate diteve te pushimit ka kontaktuar disa here me drejtuesit e klubit rreth zhvillimit te fazes pergatitore.
Siç kemi bere te ditur, ka qene planifikuar zhvillimi i saj per nje periudhe 7-8 ditore serish jashte vendit teksa opsionet kryesore ishin per ne Zllatibor te Serbise, Slloveni apo dhe Austri.
Por nderkohe, mesohet se problemi kryesor per kete mini- faze ka qene mungesa e kundershtareve per miqesore. Kjo ngaqe thuajse te gjithe kampionatet e vendeve te Rajonit ose kane filluar ose jane ne prag dhe si rrjedhoje ekipet e tyre nuk bejne me ndeshje miqesore.
Ne keto rrethana, trajneri i kuqebluve mesohet t’u kete hedhur idene drejtuesve per te mos e kryer kete stervitje jashte vendit ngaqe nuk ka ndeshje miqesore te siguruara.
Tashme mbetet per t’u pare edhe nje opsion tjeter per t’u spostuar ne Korçe, ku fare mire mund te sigurohen 2-3 ndeshje miqesore, ose ekipi te qendroje edhe ne Shkoder./SHKODRA-SPORT.COM/
