Shkruar nga Fatos LAMAJ
Nesër në mbrëmje sytë e futbollit shqiptar do të jenë të përqendruar tek përballja Vllaznia-Dinamo një duel që premton emocione rivalitet dhe spektakël në fazën “Final-Four” të Abisnet Superiore.
Në stadiumin “Air Albania” dy skuadra me histori dhe objektiva madhor do të zbresin në fushë për të hedhur një hap të rëndësishëm drejt finales së kampionatit.
Vllaznia vjen në këtë sfidë pas një sezoni të qëndrueshëm,ku skuadra shkodrane ka treguar forcë,karakter dhe vazhdimësi. Kuqeblutë synojnë të rikthejnë titullin kampion në Shkodër pas shumë vitesh pritje dhe e shohin “Final-Four” si mundësinë ideale për të kurorëzuar punën e bërë gjatë gjithë sezonit.
Me një skuadër të balancuar dhe mbështetjen e zjarrtë të tifozëve Vllaznia synon ta nis këtë fazë me fitore. Në anën tjetër Dinamo vjen me moral të lartë pas triumfit në Kupën e Shqipërisë trofe që i dha një shtys të madhe ekipit kryeqytetas.
Blutë kan treguar gjatë sezonit se din të menaxhojnë ndeshjet e mëdha dhe tashmë kërkojnë dopietën historike. Eksperienca dhe cilësia në repartin ofensiv mbeten armët më të forta të Dinamos në këtë duel.
Përballjet mes Vllaznisë dhe Dinamos kan sjellë gjithmonë rivalitet dhe tension sportiv,ndërsa edhe nesër pritet një ndeshje e luftuar deri në minutën e fundit.
Të dy trajnerët pritet të hedhin në fushë formacionet më të mira,pasi gabimet në këtë fazë mund të kushtojnë shumë. Atmosfera në “Air Albania” pritet të jetë elektrizuese me tifozët e të dy skuadrave që do të shijojnë një mbrëmje të madhe futbolli. Një ndeshje që mund të vendos shumë për fatet e sezonit dhe që premton të mos zhgënjejë aspak dashamirësit e futbollit shqiptar.
