Dita e neserme mund te jete shume vendimtare per te ardhmen e shumesporteshit ne Shkoder. Projekti Reload me te cilin jane financuar dy vjet me pare 13 shoqata sportive, ka perfunduar zyrtarisht me date 30 qershor. Qe do te thote se prej dy ditesh, ende nuk dihet asgje se çfare do te ndodhe me keto shoqata dhe me keto sporte.
Por reagimi i Bashkise se “re” te drejtuar nga Benet Beci, eshte per t’u admiruar. Perfaqesuesit e ketyre shoqatave i kane kerkuar permes nje shkrese zyrtare kryebashkiakut nje takim per te diskutuar rreth vazhdimesise se financimit te sporteve.
Dhe pergjigja e institucionit te qeverisjes lokale ka ardhur shpejt. Me date 30 qershor, permes emaileve, secila shoqate ka marre nje ftese per te qene te pranishem neser ne oren 11.30 ne sallen e Keshillit Bashkiak per nje takim me kryetarin e Bashkise ku do te diskutohet per mbeshtetjen e sportit ne vijim, problematikat e hasura dhe rezultatet e arritura.
Por çfare pritet te ndodhe ne kete takim? Ajo qe vlen me shume se çdo gje tjeter eshte te shohim se cili do te jete qendrimi i z. Beci per sportin ne Shkoder. Gjate fushates elektorale ai eshte shprehur se “Shkodra i ka mesuar te gjithe Shqiperise sesa i rendesishem eshte sporti”.
Ne fakt pyetja qe lind eshte sa i rendesishem do te jete sporti per kryetarin e ri te Bashkise Shkoder? Themi keshtu sepse kjo pike e rendesishme e jetes se shkodraneve eshte ne momentet me te veshtira te saj. Sportiste qe largohen çdo dite, kushte te veshtira stervitjes, mosmbeshtetje e duhur financiare e shume probleme te tjera, shqetesojne aktualisht sportin ne qytetin ku shumica e tyre kane lindur.
Projekti i ish- kryetares Voltana Ademi dy vjet me pare per ta shkrire Sportklub Vllaznine dhe per t’i kthyer te gjithe sportet ne shoqata me vehte (si asnje qytet tjeter ne Shqiperi), ka patur te mirat por edhe te keqijat e veta. Nderkohe ish- kryetari tjeter Bardh Spahia hodhi idene e rikthimit te “Sportklubit”, por ai tashme nuk eshte me.
Per kete arsye, mbetet te presim se çfare do te premtoje neser kryetari i sapozgjedhur ne kete detyre Benet Beci. Me interes eshte per te mesuar nga goja e tij nese do te rikthehet “Sportklub Vllaznia” si shoqate me te gjithe sportet brenda apo secili prej tyre te funksionoje siç ka qene deri me 30 qershor, shoqate me vehte.
Nga kryebashkiaku Beci do jete me interes per te mesuar se do te kete apo jo rritje te fondit per sportin sepse per te qene konkurruar me ekipet e kryeqytetit siç ka qene gjithmone Vllaznia, duhen me shume leke. Me shume kushte stervitje dhe mbeshtetje ne te gjithe aspektet.
Deri neser te gjitha keto jane pikepyetje per secilin sport. Per kete arsye takimi me kryebashkiakun do te zbardhe shume gjera sa i takon te ardhmes se tyre. Me keq se eshte aktualisht sporti ne Shkoder nuk ka ku shkon. E rendesishme eshte ta ngreme me lart. Neser eshte “sprova” e madhe e Benet Becit per sportin…/SHKODRA-SPORT.COM/
