Veleçiku e mbylli sezonin e rregullt te kategorise se dyte ne vendin e dyte te renditjes dhe si rrjedhoje nuk ia doli ta siguronte ngjitjen direkt ne kategorine e pare, megjithate ka edhe nje shans per ta bere kete gje permes play-off.
Ndonese do t’i duhet te fitoje tre ndeshje, serish ne kampin koplikas ka shume besim qe do ia dalin sepse forma qe po tregon skuadra eshte shume e mire dhe te gjithe mendojne se do ia dalin.
Ndeshjen e pare te kesaj faze play-off, Veleçiku do ta luaje diten e enjte ne oren 15.00 ndaj Naftetarit ne fushen sportive te vellezerve “Duli” ne Koplik. Djemte e drejtuar nga trajneri Dritan Smajli jane me te favorizuar per kualifikim sepse edhe barazimi i kualifikon per me tej.
Megjithate koplikasit nuk do te mendojne per barazim, por do hyjne ne fushe me objektivin e qarte per ta fituar ndeshjen. Ne rast fitoreje, Veleçiku do te kete edhe nje tjeter ndeshje te fazes play-off, konkretisht me fituesen e çiftit Valbona- Sopoti.
Por ndryshe nga ndeshja e se enjtes, ajo e dyta do te luhet ne nje fushe asnjanese qe do te caktohet nga FSHF. Per t’u ngjitur ne kategorine e pare, Veleçikut i duhet te fitoje edhe ate, por edhe nje ndeshje te trete, me skuadren e renditur ne vendin e 9-te te kategorise se pare. Nje rruge e shkurter por edhe e gjate deri tek objektivi, por Veleçiku dhe Dritan Smajli jane te bindur se mund t’ia dalin./SHKODRA-SPORT.COM/
