Neser ngre siparin e saj java e 30-te e kampionatit shqiptar. Duke i hedhur nje sy ndeshjeve qe do zhvillohen ne kete dite padyshim vemendje te veçante i rezervohet “klasikes” se vjeter te futbollit tone qe do luhet ne stadiumin Selman Stermasi me fillimin e ores 16:00 ajo ndermjet Tiranes dhe Vllaznise.
Per Vllaznine kjo cilesohet si nje ndeshje shume e rendesishme dhe po ashtu deçizive per ecurine e saj ku kete sezon pretendon seriozisht fitimin e titullit kampion. Ne opinionin tim do kisha thene se kjo eshte ndeshja e pare “burrerore” per Vllaznine.
Shprehem me kete term sepse ketu shihet forca e vertete e ketij ekipi dhe gjendja e saj reale per te mbajtur hapin e njejte me rivalet ne krye te renditjes. Siç dihet jane 7 jave dhe kampionatit po i afrohet fundi e kjo eshte prova e pare per skuadren shkodrane.
Gabimet dhe hapat fals nuk kane vend me ne rezultatet e pergjithshme te ekipit sepse tani nevojiten me se shumti fitoret ne ndeshjet e rendesishme. Fitoret e arritura se fundmi me ekipet e lehta ne leter siç ishin Apolonia dhe Skenderbeu i kane sherbyer per mire kuqebluve shkodrane sepse kjo i ka dhene shtyse te ece perpara drejt objektivit dhe ne kete kohe besimi eshte rritur dhe ç’eshte me e rendesishmja optimizmi ka perfshire stafin dhe lojtaret.
Kjo u shpreh dhe sot ne konferencen e shtypit nga trajneri Brdariç dhe mbrojtesi elbasanas Shehi. Ato u shfaqen besimplote per nje rezultat pozitiv dhe shprehen haptas objektivin e tyre per te mos dale pa pike nga perballja e kryeqytetit. Ne kete moment dhe une shpreh besimin tim per nje rezultat qe te gjitheve do na gezoje.
Vllaznia i ka cilesite e vyera dhe gjithashtu potencialin per te fituar ne ndeshjet e ashtequajtura te rendesishme pavaresisht se ne ndeshjen e fundit Tirana e mundi ne Shkoder, por ne kete rast vlen te rikujtohet ajo fitore e Vllaznise me “zemer ne dore” me shifrat 3-2 qe erdhi ne fazen e pare e qe perkoi dhe me ballafaqimin e pare mes ketyre dy ekipeve embleme persa i perket ketij kampionati.
Pas asaj ndeshje presidenti bardheblu Halili tha se fitoi ekipi me i mire, por kjo nuk tregon gjithçka. Gjykoj se kete here do jete ndryshe dhe ekipet nuk do synojne te shenojne nje bollek me gola edhe pse ideja e tyre nuk do jete per te hyre ne fushe sa per te ndare nga 1 pike.
Ndeshja e neserme do ofroje loje te bukur por dhe te ashper pasi parashikoj se ajo do jete e dyluftuar sidomos ne mesin e fushes por ne te njejten kohe do jete dhe e ekuilibruar per te evituar pesimin e golave dhe ne kete faze ekipet do ruhen e do presin momentin e volitshem per te zbritur me kundersulme te rrezikshme. Per kete them se rezultati nuk do fiksohet me shume se me 1 ose maksimumi 2 gola te realizuara pergjate 90 minutave.
Shenimi i golave varet nga efikasiteti qe do kene sulmuesit dhe se a do dine ata ta tundin rrjeten e te vulosin ndeshjen por dhe nga aftesia e portiereve per ti evituar ato. Kjo gje mbetet te shihet. Shpresoj se nese Vllaznia do shfaqe lojen e vet e te shfrytezoje momentet e ndeshjes do dije te marre rezultatin qe kerkon. Kjo ndeshje ka brenda te tre rezultatet dhe uroj qe ne fund te fitoje ne fushe ekipi me i mire e ndeshja te mos vendoset nga episodet por nga loja rezultative.
