Tirana është e para në renditjen e Kategorisë Superiore.
Ama bardheblutë rikthehen në krye pas më shumë se gjashtë muajsh.
Më saktë janë 163 ditë që nuk ishin në vendin e parë. Prej 26 majit që dolën kampionë bardheblutë pas nisjes së sezonit të ri nuk ishin të parët.
Gjatë këtyre javëve skuadra e Shehit ka vuajtur, duke qenë në hije.
Gjithsesi, e bukura qëndron te fakti se para dy ndeshjesh ishte katër pikë pas Partizanit, ndërsa tani është 2 pikë përpara të kuqve.
Një arritje për skuadrën e Orges Shehit që sezonin e shkuar e fitoi kampionatin me 10 pikë nga vendi i dytë në klasifikim.
