Sfida Vllaznia-Egnatia kishte edhe momentet e saj pikante, të cilat “Panorama Sport” i ka sjell për lexuesit e saj
* Numër minimal tifozësh ndjekin përballjen. Jo më shumë 300- 400 persona kanë qenë të pranishëm.
* Trajneri Sedloski vjen me ndryshime në veshjen e tij në këtë përballje. Ai i ikën veshjes sportive që ka aplikuar në takimet e tjera.
* Kaina kërkon ndihmën e zotit, për të bërë më të mirën në këtë sfidë. Teksa në qendër të fushës pa startuar takimi ulet në gjunjë për t’iu lutur atij lart.
* Tekniku Tetova kërkon qetësi nga të tijtë, për të ulur presionin e Vllaznisë pas 10 minutave të para.
* Shumë tifozë miq të pranishëm në këtë sfidë, të cilët janë vënë re në momentin e shënimit të golit të parë të ekipit të tyre.
* Nuk mungon humori i tifozërisë kuqeblu, pavarësisht golit të pësuar dhe kjo pikërisht për shënuesin e golit, matjanin Donald Mëllugja.
“Kush nuk ban gol tanë jetën, golin e vetëm ja ban Vllaznisë”.
* Reagim i ashpër i stafit dhe tifozërisë ndaj disa vendimeve të gjyqtarit gjatë pjesës së parë të takimit.
* Sedloski luan gjithçka për gjithçka që me startin e pjesës së dytë, ku në vend të kapitenit Gurishta që vuan edhe dëmtimin aktivizon Çobën dhe kthen në të djathtë të mbrojtjes Hoxhën.
* Pavarësisht rezultatit 0-2, tifozëria kuqeblu e grupimit “Vllaznit Ultras”, kanë dhuruar spektakël me fishekzjarrë e thirrje për ekipin.
* Viktor da Silva ka ndjekur dje nga afër takimin mes Vllaznisë e Egnatias dhe pas takimit ka takuar stafin dhe lojtarët kuqeblu.
