Lionel Messi ishte fitues i çmimit më të vlefshëm individual në botë, “Topi i Artë”.
Sulmuesi argjentinas arriti të triumfojë në ceremoninë e djeshme të organizuar nga “France Football” në Paris.
Ylli i Barcelonës la pas yjet si Virgil van Dijk, Cristiano Ronaldo dhe Sadio Mane.
Ishte ky “Topi i Artë” i gjashtë në karrierë për sulmuesin nga Argjentina.
Pas triumfit të Messit, ka reaguar edhe gruaja e argjentinasit, Antonella Roccuzzo.
Pas ceremonisë, ajo është shprehur e lumtur me yllin e Barcelonës.
“Nuk mund të jem më krenare se tani për arritjet e tua. E lumtur të jem gjithnjë në anën tënde, Leo Messi”, tha Antonella.
