Kërkohet me dëshpërim hapësira në fanellat e skuadrave për të vënë një sponsor të ri. Fronti i të ardhurave për klubet e Serisë A pasurohet me një burim të ri falë miratimit të Federatës Italiane të Futbollit për të lënë me “qira” edhe mëngën e majtë të fanellave.
Siç lexohet edhe në komunikatën zyrtare, klubet e Lega-s Kombëtare të Profesionistëve të Serisë A do të mund të përdorin “në mëngën e majtë të fanellës një hapësirë 100 cm² për të reklamuar një sponsor”.
Kështu, klubet e kategorisë kryesore të futbollit italian do të kenë një burim të ri të ardhurash, edhe pse nuk do të bëhet fjalë për një shumë marramendëse, duke parë hapësirën e vogël në dispozicion. Por, gjithsesi, do të jetë një ndihmë për klubet e vogla të Serisë A.
Klubet mund të vendosin marka komerciale në pjesën e përparme, duke zënë një hapësirë deri në 350 cm², në të cilën nuk mund të përfshijnë më shumë se dy sponsorë, dhe pjesën e pasme, poshtë numrit, duke vendosur një sponsor në një hapësirë 200 cm².
Me këtë ndryshim të ri, do të shkojnë në pesë sponsorët për skuadrat e Serisë A, siç ndodh në Francë, Gjermani, Angli dhe Spanjë. Çfarë hapësire tjetër ka mbetur për t’u shfrytëzuar? Pranohen baste, pjesa e jakës, pantallonat, sepse mënga e djathtë është zënë nga stema e Serisë A. /telesport/
