Vazhdon rrugëtimi europian për skuadrat shqiptare, me UEFA-n që ka publikuar kundërshtarët e tyre të mundshëm në rast kualifikimi në turin e tretë të Ligës së Konferencës, teksa shorti do të hidhet sot në orën 14:00 në Nion.
Tirana, në rast se mposht Zrinjskin, mund të përballet në turin e tretë me një nga skuadrat që janë në minigrupin që i ka caktuar UEFA.
Kështu, kundërshtar potencial nga shorti mund të dalë Shakhtjor Soligorsk ose një nga fitueset e çifteve CFR Kluzh-Inter Klub d’Eskaldes dhe Tobol Kostanaj-Linkoln Red Imps.
Shorti në këtë rast është i lirë, pa ndarje në vazo dhe radha e goglave përcakton se kush luan ndeshjen e parë në shtëpi dhe kush në transfertë.
Ballkani i Ilir Dajës mund të ketë kundërshtarë kampionët e Polonisë apo ekipe të tjera.
Vllaznia dhe Laçi që gjenden së bashku në një grup rrezikojnë një përballje me Koniasporin e Cikalleshit dhe Çekiçit, me skuadrën turke që është në listën e kundërshtarëve të mundshëm së bashku me disa rivalë tjetër me emër si Slavia e Pragës dhe Rijeka.
Shkëndija dhe Drita gjithashtu janë njohur me rivalët e tyre të mundshëm në rast kalimi në turn e tretë të Ligës së Konferencës. Edhe për ta parashikohen rivalë të rëndësishëm.
Vikingur Rejkjavik- The Nju Sainz / Leh Poznan-Dinamo Batumi
RFS / Hibernians-Levadia Talin
La Fiorita-Ballkani / Sutjeska-Ki Klasvik
Tirana-Zrinjski / Tobol-Linkoln Red Imps
Shaktar Soligorsk / CFR Kluzh – Inter Klub D’Eskaldes
Spartak Trnava-Njuton FC / Rakov-Astana
KUPS-Milsami / Liepaja-Jang Bojs
Pogon-Brondbi / Bazel-Krusaders
AIK-Vorskla / Valmeira-Shkëndija
Ararat-Paide / Anderleht
SJK-Lilestrom / Atnverp-Drita
Zorja / Vllaznia-Universitatea Kraiova
Fehervar-Gabala / Petrokub-Laçi
