Alban Tafaj, ish-futbollist i njohur i Tiranës, ka analizuar sot në studion e “Sport News Plus” në “News 24” fitoren e bardhebluve dhe ecurinë e këtij ekipi në fillimin e sezonit. Sipas tij, trajneri Orges Shehi ka një meritë të jashtëzakonshme për atë që po bën me ekipin kryeqytetas.
“Fitore me peshë dhe lojë, ishte një Tiranë shumë e bukur. E kam ndjekur nga afër, e kam parë me detaje. Me Teutën e kam parë luftarake dhe agresive, ka avantazh të madh karshi kundërshtarit se fitonte çdo dyluftim, me Teutën e tregoi.
Me derbin jemi në një mendje të gjithë dhe derbi ishte i zbehtë. Derbin e fituan spektatorët, ishte një ndeshje jo shumë për t’u vlerësuar nga cilësia e lojës por tre pikët janë të rëndësishme se derbi me një rival të përjetshëm ka bërë mjaft mirë.
Kurse atë të Vllaznisë bëri një ndeshje që besoj se e ka interpretuar në detaje shumë mirë dhe meritë të veçantë ka trajneri. Ka meritë të jashtëzakonshme se diti ta çojë skuadrën ku duhet në pikat e rëndësishme të Vllaznisë për t’i evidentuar dhe bllokuar.
Ka bërë mjaft mirë gjatë kësaj periudhe, e njeh mjaft mirë këtë skuadër dhe punon mjaft i qetë me këtë grup. Skuadra ka ndryshuar se nuk është ajo kampione, besoj se vlera të mëdha te kjo skuadër merr edhe trajneri”, tha Tafaj.
