HomeFUTBOLL - KATEGORIA E PARETërbuni merr një fitore me shumë vlerë ndaj një rivali si Korabi

Tërbuni merr një fitore me shumë vlerë ndaj një rivali si Korabi

Tërbuni ka arritur të fitojë me rezultatin 2-1 me përmbysje përballjen ndaj Korabit për javën e shtatë të Kategorisë së Parë. Takimi është zhvilluar në stadiumin “Ismail Xhemali” në Pukë dhe është fituar nga skuadra pukjane me golat e dyshes së zakonshme, Vilfor Hysa dhe Albi Xhabrahimi.

Në fakt, ndeshja nisi me gol për Korabin, e cila që në minutën e 9-të gjen golin me Beshirajn. Megjithatë, pas këtij ndëshkimi, takimi dominohet nga Tërbuni dhe të besuarit e trajnerit Alert Alcani e rrisin presionin dhe në minutën e 22-të, arrijnë që të barazojnë shifrat me golin e Hysës.

Pas shtatë minutash, pukjanët fitojnë një penallti dhe do të ishte sulmuesi Xhabrahimi, ai që do ta shndërronte në gol atë, duke kaluar në avantazh Tërbunin. Me rezultatin 2-1 mbyllet pjesa e parë e takimit, ndërsa pjesa e dytë shoqërohet me ndryshime të shumta në të dyja kampet.

Padyshim, në fraksionin e dytë, Tërbuni mbrohet mjaft mirë dhe rezultati 2-1 mbetet i pandryshuar deri në përfundim të ndeshjes. Pas kësaj fitoreje, pukjanët renditen në vendin e tretë në tabelën e klasifikimit me 12-pikë deri më tani. Ndeshja e rradhës për ekipin e trajnerit Alert Alcani do të jetë në transfertë ndaj Turbinës së vendit të fundit. /Maringlen ZHIVANI/

Tërbuni-Korabi 2-1

Golat: Hysa 22’, Xhabrahimi (pen) 29’ / Beshiraj 9’

Formacioni i Tërbunit (4-4-2): Vata, Ruqi, Peqini, Hoxhaj, Metani, Filipi, Tafili, Baholli, Saliaj, Xhabrahimi, Hysa (u aktivizuan: Duka, Zagani, Troqe, Rezi) Tr: Alert Alcani

RELATED ARTICLES

Most Popular

Recent Comments