Bajerni nuk ia doli të siguronte 3 pikët në duelin e vendit të parë karshi Bajer Leverkusenit si pritëse. Episodi i penalltisë rezultoi vendimtar në minutën e 94-t, aty ku mbrojtësi i majtë Alfonso Dejvis rrëzoi Jonas Hofmanin dhe arbitri Daniel Shlager duhet të priste disa momente në akordimin e penalltisë.
Tomas Myler me shiritin e kapitenit ka dalë kundër këtij vendimi pas sfidës: “Ndërhyrja e Dejvis ndaj kundërshtarit ishte tepër e lehtë. Nëse do të gjendeshim në Premier Ligë ajo nuk do të jepej. Futbolli është një lojë kontakti dhe jo çdo prekje jepet penallti. I bindur rreth kësaj skene, por diskutime të tilla nuk kanë asnjë vlerë në këtë pikë.
Humbëm dy pikë të rëndësishme për të qëndruar të vetëm në krye të tabelës. Lojën e nisëm me ritëm të lartë dhe morëm avantazhin, por që nuk zgjati shumë dhe ata (Leverkusen) gjetën barazimin.
Statistikat flasin qartë në favorin tonë, ndonëse nuk shënuam dot me tepër se dy gola”, tha me nota ta larta nervozizmi 34-vjeçari gjerman. Futbollisti me numër 25 në kampin e bavarezëve e nisi takimin si titullar, ndonëse nuk arriti të kontribuonte me gola apo asiste.
