Kohet e fundit ka nisur nje “duel” ne distance ne mes çiklisteve dhe ish- çiklisteve te ndryshem ndaj presidentit aktual te kesaj Federate, Skender Anxhaku. Nje çeshtje e tille eshte bere edhe mediatike teksa i ka kushtuar vemendje edhe emisioni investigativ “Fiks Fare”.
Dy nete me pare, nje ish- kampion shume i njohur i ketij sporti ne nje rrefim te tille, duke sulmuar presidentin Anxhaku qe sipas tij e ka çuar drejt nivelit zero kete sport ne vendin tone, ka permendur edhe Vllaznine duke thene se ky ekip eshte shkrire edhe nga neglizhenca e federates.
Por kjo gje nuk i ka pelqyer aspak trajnerit te ekipit shkodran Leonat Kola, i cili ne nje prononcim per gazeten “Shkodra Sport” eshte shprehur: “Ishte diçka qe nuk me ka pelqyer aspak. Emri i Vllaznise nuk duhet shfrytezuar kur ka nje debat sepse kjo nuk eshte aspak normale.
Ne po bejme maksimumin per ta mbajtur kete ekip ne kembe dhe ne nivele te larta, pavaresisht veshtiresive qe ka çdo sport ne vendin tone, por kurrsesi nuk mund te thuash qe ekipi i Vllaznise eshte shkrire. Shembulli me i mire per ta vertetuar kete gje do te jete pjesmarrja vetem pak dite me vone ne kupen “Agim Tafili” me perberje te plote”.
Kujtojme po ashtu se prej dy javesh eshte grumbulluar edhe kombetarja shqiptare e çiklizmit ne pergatitje per Turin Çiklistik dhe ne perberje te tij jane edhe dy çiklistet e Vllaznise Bruno Kola dhe Marçelo Kola./SHKODRA-SPORT.COM/
