Tek Universitatea e Krajoves edhe jane te bindur per kualifikimin, por edhe ia kane friken Vllaznise per ndonje surprize te hidhur, çka do te sillte nje zemerim te madh tek te gjithe sepse do te ishte viti i trete rradhazi qe do deshtonin ne Europe.
Pikerisht per kete arsye, drejtuesit e klubit kane vendosur qe te kerkojne edhe ndihmen e tifozeve per te mundur Vllaznine. Per ta bere kete gje, ata kane menduar te bejne nje oferte speciale per tifozet duke vendosur çmime te lira per ndeshjen qe do te luhet te enjten e ardhshme ne oren 19.30 me oren tone dhe 20.30 me oren e Rumanise.
“Fike televizorin! “Vullkani bardheblu ju pret”- eshte sllogani qe drejtuesit e klubit kane perdorur per t’u bere ftese tifozeve te tyre per te qene ne stadium per kete ndeshje qe do te vendose fatin e kualifikimit per ne turin e trete te “Conference League”.
Nje bilete pas porte kushton 15 lei rumune ose ndryshe rreth 3 euro, me pas ka edhe bileta 30 ron (6 euro), 40 ron (8 euro), VIP 2 70 ron (15 euro) dhe ne tribunen VIP nje bilete do te kushtoje 100 ron (rreth 20 euro).
Ndeshja do te luhet ne stadiumin “Ion Oblemenco” i cili ka nje kapacitet prej 30 983 vendesh, megjithate ne ndeshjen ndaj Vllaznise ne shkallet e tij nuk pritet te kete me shume sesa 15 mije tifoze./SHKODRA-SPORT.COM/
