Diten e sotme eshte zhvilluar etapa e dyte e Kupes “Agim Tafili”. Per shkak te kushteve te renduara atmosferike, gjyqtaria ka vendosur te ndryshoje disi itinerarin e saj duke mos shkuar ne Gomsiqe, por çiklistet jane nisur nga Shkodra ne drejtim te Balldrenit. Me pas kane marre rrugen nga Kallmeti, per te dale ne Vau- Dejes e me pas ne Bushat.
Kete e kane bere dy xhiro, per te mberritur ne mesdite ne finishin e Parruces. Ne mberritje kane nje grup prej 10 çiklistesh te cilet kane kerkuar te mberrijne te paret, por me i shpejti ka rezultuar te jete Henri Hysa i Teutes.
Ai eshte shpallur fitues i kesaj etape, nderkohe qe ne vend te dyte çiklisti Kristel Sota i Apolonise ndersa ne vend te trete dhe te katert jane renditur dy çiklistet e Vllaznise Mateo Balaj dhe Bruno Kola. Ne fakt ata te dy kane aplikuar nje skeme per ta kurorezuar me sukses kete finish, por ne fund gjerat nuk kane shkuar ashtu si duhet per Kolen, i cili ka pesuar nje defekt ne marshet e biçikletes, duke mos i dhene mundesine qe te jepte me te miren e tij.
Neser nderkohe do te zhvillohet etapa e trete dhe e fundit e ketij trofeu do jete ajo me itinerar Shkoder – Rrapsh Stare – Finish Shkoder 101 km. Pas perfundimit te saj do te zhvillohet edhe ceremonia permbyllese e kesaj kupe, shoqeruar me ndarjen e diplomave dhe te kupave per te miret e saj./www.shkodrasport.com/
