Pas emerimit ne krye te pankines se trajnerit te ri Auron Miloti, Vllaznia ka bere disa levizje te tjera, duke plotesuar ne kete menyre stafin teknik. Keshtu, Ergi Borshi qe deri dje ishte ne rolin e video-analistit, tashme e ka lene kete detyre dhe ne vazhdim do te jete zv/trajneri i ri i ekipit kuqeblu, ne ndihmese te Milotit. Nderkohe, ne vendin e Borshit eshte vendosur Ardit Mani, si video-analist.
Burime prane klubit shkodran bejne te ditur per “Shkodra Sport” se, keto ndryshime kane ndodhur diten e djeshme gjate mbledhjes qe presidenti Alban Xhaferi ka pasur me pjesetaret e tjere te KF Vllaznia. Ne fakt, Borshi ka qene nje ish-futbollist i Vllaznise dhe ka mbyllur karrieren ne moshe te re per shkak te nje demtimi te rende.
Megjithate, tani e tutje do te mbaje rolin e zv/trajnerit tek ekipi kuqeblu. Kujtojme ketu qe, Borshi ka qene edhe tek Vllaznia U-21 si zv/trajner, si ndihmes i trajnerit anglez Dean Sibson dhe Elvis Plorit, por tashme ka marre rolin e ri ne ekipin A.
Keshtu, me pak fjale eshte kompletuar edhe stafi teknik i Vllaznise dhe tashme, ai mund te quhet i plote. Normalisht, Auron Miloti do te jete trajneri i pare i ekipit kuqeblu, ku do te kete si ndihmes Ergi Borshin si zv/trajner dhe Ideal Lekiqin si trajner i portiereve. Nderkohe, Vioresin Sinani do te jete ne detyren e drejtorit sportiv, ndersa video-analist do te jete Ardit Mani. /Maringlen ZHIVANI/
Drejtor sportiv – Vioresin Sinani
Trajner – Auron Miloti
Zv / trajner – Ergi Borshi
Trajner portieresh – Ideal Lekiqi
Pergatites atletik – Mihail Tzokov
Video-analist – Ardit Mani
