Vllaznia U17 kalon edhe Internacionalin dhe shkon ne gjysmefinale te Kupes se Shqiperise per kete grupmoshe. Ne ndeshjen e luajtur mesditen e sotme ne Peze- Helmes, kuqeblute e drejtuar nga Edmond Doçi kane fituar me rezultatin e paster 3-0.
Ndeshja sidomos ne pjese e pare ka patur shume rivalitet, megjithate asnjeri prej ekipeve nuk ka arritur dot te shenoje dhe si rrjedhoje ajo eshte mbyllur ne barazim 0-0.
Krejt ndryshe ka qene pjesa e dyte e cila ka sjelle nje dominim absolut te shkodraneve. Ata kane shenuar golin e pare ne minuten e 52-te me ane te futbollistit Aris Ara. Kaq ka mjaftuar qe ne fushe te ishte vetem Vllaznia.
Ne minuten e 67-te do te ishte Gerald Kubazi qe do te shenonte golin e dyte vetem pak minuta pasi hyre ne fushen e lojes. Por pa kaluar ende nje minute do te vinte edhe goli i trete dhe i fundit i ndeshjes qe do te mbante per autor futbollistin Xhoel Hajdari.
Perfundimisht 3-0 per Vllaznia U17 e cila kualifikohet per ne gjysmefinale te Kupes se Shqiperise, por natyrisht qe objektivi i saj do te jete fitimi i ketij trofeu./SHKODRA-SPORT.COM/
