FUTBOLL

Artan Bushati nuk ka ndër mend të presë më për punën e trajnerit të Vllaznisë. Ai ka qenë I pari që pat shprehur publikisht dëshirën e tij për të kontribuar për Shkodrën dhe futbollin shkodran dhe që atëherë ka pritur ndonjë kontakt me drejtuesit por kjo nuk ka ndodhur. Përkundrazi, në media kanë dalë edhe emra të tjerë dhe në pamje të parë dukej si një garë në mes disa kandidatëve kur në fakt nuk ka patur një të tillë. Nëse me ndonjëri nga katër kandidatët e deklaruar ka patur edhe kontakte nga drejtuesit e klubit, me Bushatin jo. Këtë e ka konfirmuar edhe vetë mbrëmë. Gazeta “Shkodra Sport” e ka kontaktuar ish- trajnerin e Shpresave pikërisht për ta pyetur në lidhje me këtë çështje. I pyetur se ku kanë ngecur bisedimet, ai është përgjigjur:

Pavarësisht dështimeve në sezonin e kaluar me futbollistët malazezë, sërish Vllaznia duket se I ka hedhur sytë nga tregu malazez. Dy drejtuesit e lartë të saj, administratori Kujtim Shaba dhe drejtori sportiv Armir Grima  kanë nisur punën për ndërtimin e skuadrës së re. Përveç tratativave me kandidatët për trajner, ata po shohin edhe mundësinë e marrjes së lojtarëve cilësorë në merkato. Pikërisht për këtë arsye, pasditen e së mërkurës, të dy ata kanë udhëtuar drejt Podgoricës për të ndjekur ndeshjen finale të Kupës së Malit të Zi. Ata janë akomoduar në tribunën e stadiumit “Crno Gorum” dhe kanë ndjekur ndeshjen finale Çelik- Rudar me laps në dorë. Në pamje të parë favorite për ta fituar Kupën ishte skuadra e Rudarit të Plevles ngaqë nuk luante në superligën malazeze ndërsa kundërshtari I saj Çelik, vinte nga kategoria e parë. Megjithatë në fushën e lojës ka qenë tjetër gjë.

“Te nusja hanë e pinë, te dhëndri gjë nuk dinë”. Kjo shprehje duket se i përshtatet kandidaturës së shumëpërfolur të Artan Bushatit për trajner të ardhshëm të Vllaznisë. Vetë drejtuesit e klubit kuqeblu janë shprehur se një nga kandidaturat e mundshme për të marrë drejtimin e skuadrës është edhe ajo e shkodranit Bushati, që vetëm pak muaj më parë la detyrën e trajnerit të Kombëtares U-21. I kontaktuar dje, vetë Bushati sqaroi se ende nuk ka bërë një bisedë zyrtare me krerët e klubit shkodran. “Nuk kam asnjë kontakt zyrtar për sa i përket mundësisë së drejtimit të ekipit të Vllaznisë. Këto ditë janë të ngjeshura për mua në punën time si pedagog dhe nuk më kanë lënë shumë kohë për të lexuar as gazetat.

Në pamje të parë nuk kanë asnjë lidhje sepse kanë luajtur futboll në vite të ndryshme, shumë larg njëri-tjetrit. Kanë patur një të përbashkët, shënimin e golave. Vioresin Sinani dhe Refik Resmja janë në garë me njëri-tjetrin se kush është shënuesi më I mirë I të gjithë kampionateve shqiptare. Themi ka një dilemë pasi golat e Sinanit dihen sa janë- 207 ndërsa për ato të Refik Resmjes nuk ka të dhëna të sakta. Karriera e tij në vitet 1947- 1964 ka shumë enigma. Golat nuk janë të pasqyruar dhe megjithëse në kampionatin e vitit 1951 ka shënuar plot 59 gola në një kampionat, me shumë mundësi ai nuk I kalon 200 golat në gjithë karrierën e tij (flasim për në kampionat). Megjithatë ka një dilemë në këtë mes sepse asnjë statisticien nuk ka arritur të gjejë numrin e saktë të golave të tij.

Zyrtarisht dje ka ardhur edhe “divorci” I njërës prej emblemave të futbollit shkodran me lojën e luajtur. Vioresin Sinani, ndonëse kishte disa kohë që nuk luante, më në fund ka vendosur ta pranojë me dhimbje largimin nga fusha e blertë. Megjithatë ai është krenar për atë çfarë I ka dhënë Vllazninë. Njëkohësisht ia di shumë për nder asaj për emrin e mirë që I ka dhënë. E ka nisur në vitin 1995 futbollin me Vllazninë dhe e mbyll pas 17 sezonesh. Një karrierë e gjatë, e mbushur me gola, me suksese dhe mbi të gjitha me përshtypje shumë të mirë nga të gjithë. 

Shqipëria ka mundur 2-1 Katarin në miqësore e luajtur mbrëmjen e sotme. Ka qenë një ndeshje e cila prodhoi tre “gola rrufe” për shtatë minuta, duke nisur direkt nga fillimi i pjesës së dytë, çka krijoi përshtypjen e një “festivali” golash, por nuk ndodhi kështu. Sepse pas dy “rrjetave” të Bakajt, në minutën e 46-të, e të Bogdanit, në minutën e 50-të me penallti, u shënua edhe goli i vetëm për Katarin, duke vulosur që aty fitoren përfundimtare 2-1 të të besuarve të De Biazit. Në stadiumin e Rajo Valekanos, kuqezinjtë tanë, nën drejtimin e trajnerit italian, zhvilluan kësisoji testin e radhës, në kuadër të përgatitjeve për fushatën kualifikuese në grupe të Botërorit 2014.

Pasditen e sotme ka nisur zyrtarisht punën struktura më e re e klubit të futbollit Vllaznia, “Këshilli I Trajnerëve”. Në zyrat e klubit, drejtori sportiv Armir Grima ka pritur pesë nga anëtarët e tij Ramazan Rragamin, Nikoll Gjergjin, Ismet Hoxhën, Taip Piraniqin dhe Astrit Premçin ndërsa për arsye personale mësohet të ketë munguar anëtari tjetër- Esat Rakiqi. Drejtori Grima nga sa bëhet e ditur, ka falenderuar personalitetet e futbollit shkodran e shqiptar që pranuan të jenë pjesë e “Këshillit të Trajnerëve”. Sipas tij, ky Këshill nuk do të jetë sa për emër, por do të analizojë dhe të japë propozime konkrete për çështje në interes të Vllaznisë.

Dilema e madhe në këtë periudhë në kampin shkodran është ajo se kur do të zgjidhet trajneri I ri? Drejtori sportiv Armir Grima mendon se brenda kësaj jave, gjithçka do ketë marrë fund dhe trajneri I ri do jetë vendosur, prandaj në lidhje me këtë thotë: “Tashmë nuk kemi se çfarë të shtyjmë më. Gjatë këtyre ditëve, Brenda kësaj jave, sapo të gjejmë mundësinë që gjithë këto pjestarët e Këshillit të jenë të disponueshëm por edhe kryebashkiaku Luka, të zhvillojmë një takim dhe të analizojmë gjithë kandidaturat për trajner për të përzgjedhur më të përshtatshmin për Vllazninë”.

Vetë nuk ka dashur të flasë shumë në lidhje me ato çfarë po bëhet dhe çfarë do bëhet në të ardhmen tek Vllaznia. Megjithatë drejtori sportiv I klubit shkodran, Armir Grima, I kontaktuar sot, ka zbuluar disa enigma se kush do jenë kriteret me të cilët do përzgjidhet trajneri I ri dhe se kur mendohet të zgjidhet ai. “Kam patur një ide prej kohësh për të krijuar një Këshill trajnerësh dhe kam patur dëshirë që ky këshill të mos ishte thjesht formal. Ai të kishte të drejtë për të diskutuar, për të analizuar dhe për të sugjeruar se kush do jetë trajneri I skuadrës apo dhe gjëra të tjera teknike që kanë të bëjnë me skuadrën.

Ndonëse është kryetar I bordit mbikëqyrës të shoqërisë aksionere Vllaznia dhe njëkohësisht edhe nënkryetar I Bashkisë Shkodër, Ritvan Troshani, ka bërë të ditur vetë se zgjedhja e trajnerit të ri të skuadrës shkodrane është kompetencë e kryebashkiakut Lorenc Luka dhe vetëm ai ka të drejtë të vendosë për këtë gjë. Një deklarim I tillë ka ardhur dje nga ana e numrit 2 të këtij institucioni.