Jasir Asani pritet që të vendosë për të ardhmen, pasi mësohet se 26-vjeçari ka marrë një ofertë nga skuadra turke e Keçiorenguçu që tenton të joshë shkupjanin.
Skuadra turke militon në Ligën 1, teksa e mbylli kampionatin në vendin e shtatë. Te skuadra e Keçiorenguçu aktivizohet edhe 2 shqiptarët e Kosovës, Ilir Mustafa dhe Arb Manaj.
Për sa i përket Asanit, duke qenë lojtar i lirë, 26-vjeçari ka në dorë të zgjedhë me qetësi klubin e ri.
Sulmuesi realizoi një sezon të kënaqshëm me Partizanin, ku realizoi edhe 9 gola, ndërkohë që është nga më të mirët e Supeiores sonë. Pjesë e kësaj skuadre u bë vjet edhe Edion Hasani, që më pas pësoi dëmtim, ashtu si dhe ish-sulmuesi dhe goleadori i Bylisit, Saliu Guindo.
