Në shtëpinë e Interit po mendojnë të blindojnë lojtarët që shikohen si baza e skuadrës për të ardhmen.
Me Lautaro Martinez të bindur ku mungon vetëm firma në kontratë, zikaltrit kanë prioritet 4 futbollistë të tjetër. I pari është Marselo Brozoviç të cilit i skadon kontrata sezonin tjetër.
Për kroatin është pak e komplikuar pasi ka kërkuar kushte të njëjta si Hakan Çalhanoglu i cili erdhi në Milano këtë verë. Pastaj lista vazhdon me Barelën, Shkrinjar e De Vraj.
Zikaltrit arritën t’i mbanin dhe këtë verë xhevahiret e tyre në skuadër, por të ardhmes nuk i dihet, pasi mund të sakrifikohet dhe katërshja si Lukaku dhe Hakimi.
