Futbolli i femrave patjetër që është një sport që në Shkodër ka gjetur një hapësirë të veçantë. Ekipet e shumta që ka formuar ky qytet në vite, i kanë dhënë tonin futbollit femëror në vendin tonë. E tashmë, një tjetër skuadër do i shtohet kampionatit tonë nga Shkodra.
Këtë e ka zbuluar në “Star Sport”, Elis Legata. Trajneri i i portiereve të kombëtares së femrave, por edhe pjesë e akademisë “Atletik Shkodra” është shprehur:
Legata: “Do kemi një risi këtë sezon në kampionatin e femrave. Atletik Shkodra do prezantohet me një ekip femrash. Kjo do jetë hera e parë për ne dhe debutimi historik do jetë këtë javë kundër Skënderbeut.
Ky projekt i ri vjen si një bashkëpunim shumë i mirë që ne patëm me AAS, të cilët i falenderoj. Patjetër ne nuk e kemi presionin për të pasur rezultate menjëherë, por duam të fillojmë dhe vijojmë ndoshta me një projekt që të ketë një jetëgjatësi”.
Endri ÇINARI
