Napoli po shkëlqen në këtë sezon. Në Serie A ata janë shumë afër Scudettos, ndërsa në Champions League kanë arritur deri në çerekfinale dhe nesër përballen me duelin e parë në këtë fazë të kompeticionit.
Një nga lojtarët më të mirë të Napolit, sulmuesi nigerian Victor Osimhen, mungon në ndeshjen në San Siro.
Siç raporton “Tutonapoli”, media e specializuar për monitorimin e ngjarjeve në Napoli, Osimhen është larguar sot nga kampi stërvitor dhe nuk ka shkuar me skuadrën në Milano.
Shkak është bërë lëndimi i sulmuesit nigerian dhe Napoli nuk dëshiron të rrezikojë asgjë për ndeshjen tjetër të kthimit.
