Real Madridi ka identifikuar Dominik Szoboszlain si një përforcim të mundshëm për mesfushën dhe tashmë ka nisur të eksplorojë mundësinë e transferimit të tij.
“Los Blancos” e konsiderojnë mesfushorin hungarez, aktualisht te Liverpooli, si një lojtar që mund të sjellë cilësi, fleksibilitet dhe energji të re në një repart kyç, veçanërisht në kohën kur disa titullarë janë jashtë për shkak dëmtimesh.
Real Madridi po e ndjek me kujdes Szoboszlain pas nisjes së shkëlqyer të sezonit me Liverpoolin, me dy gola dhe pesë asistime në 16 ndeshje, duke dëshmuar formën e tij të lartë.
Aftësia e tij për të luajtur si mesfushor qendror, krah apo madje edhe si mbrojtës i djathtë, ka tërhequr vëmendjen e klubit madrilen, i cili e sheh si një alternativë me raport të lartë cilësi-kosto, duke pasur parasysh nevojën për të pushuar lojtarë si Camavinga apo Bellingham.
Megjithatë, transferimi i Szoboszlait do të kërkojë një përpjekje të konsiderueshme financiare dhe kontraktuale, pasi Liverpooli e ka të lidhur deri në vitin 2028.
Hungarezi do të përfaqësonte një përforcim të nivelit të lartë, por Real Madridi përballet me disa pengesa serioze, kontrata afatgjatë dhe rritja e vlerës së tij në treg, e cila mund ta çojë tarifën e transferimit mbi 80-90 milionë euro.
Tani, Real Madridi duhet të vendosë nëse do të marrë rrezikun për ta transferuar që tani apo të presë një mundësi të ardhshme. Urgjenca për ta forcuar ekipin dhe mosha e lojtarit shtojnë presion mbi këtë operacion të mundshëm./Telegrafi/
