Para sfidës kryesore mes Romës dhe Napolit, Francesco Totti ndan kujtimet e tij nga ndeshjet e mëdha me fanellën verdhekuqe, gjithmonë me shiritin e kapitenit: “Kujtimet nga Roma-Napoli? Kryesori lidhet me ndeshjen para asaj ku fituam titullin më 2001. Nëse do të fitonim, Napoli zbriste në Serie B, diçka e papranueshme për një qytet si Napoli, që për karizëm dhe pasion më kujton Romën.
Fati deshi që fituam ndeshjen tjetër në stadiumin tonë. Tifozët e Napolit janë të çmendur, kanë një dobësi për mua. Gjithmonë e kanë pasur, përveç kur isha kundërshtar si kapiten. Që nga momenti kur ndala së luajturi futboll, më kanë duartrokitur gjithmonë”.
Totti kujton edhe Maradonën: “Kam pasur fatin ta njoh, të flas e të ha bashkë me të. Një person i jashtëzakonshëm; futbollisti ideal për mua. Ai gjithmonë më thoshte se për të kam qenë lojtari italian më i fortë i të gjitha kohërave. Kjo fjali më ka mbetur në mendje.
‘Olimpico’ më mungon shumë, shkoj shpesh të vrapoj rreth tij. Për të mos u njohur shkoj herët në mëngjes ose natën në errësirë, banoj afër. Nuk shkoj ta shoh Romën në stadium prej gati 3 vitesh, më mungon, por tani po planifikoj të kthehem”.
