Marvin Çuni ka ndërruar përsëri ekip. Sulmuesi shqiptar është zyrtarizuar sot si lojtari më i ri i Barit. Klubi puljez ka bërë të ditur lajmin përmes kanaleve të veta zyrtare. Klubi Bari ka njoftuar se është arritur një marrëveshje me Rubin Kazanin për ta huazuar 24-vjeçarin në formë huazimi me të drejtë blerjejë.
“Sulmuesi i lindur në vitin 2001 do të veshë fanellën ’90’. SSC Bari njofton transferimin e Marvin Çunit (10 korrik 2001, Frajzing, Gjermani) nga FK Rubin Kazani në formë huazimi me të drejtë blerjeje. Sulmuesi shqiptar do të veshë fanellën me numër 90 dhe do të jetë menjëherë në dispozicion të trajnerit Longo.
Një produkt i sistemit të të rinjve të Bajernit të Mynihut, ai bëri debutimin e tij profesional me Zonenhof G. (38 ndeshje, 23 gola). Pas periudhave me Paderbornin dhe Zarbrykenin, si në Gjermani ashtu edhe në huazim, në verën e vitit 2023 ai u ble nga skuadra e Serisë A, Frozinone (25 ndeshje, 2 gola), e cila e shiti atë pas një sezoni te skuadra ruse Rubin Kazan (14 ndeshje). Ai luajti pjesën e parë të sezonit aktual me Sampdorian (14 ndeshje, 1 gol, 1 asist). Pasi luajti për ekipet U19 dhe U21, ai bëri debutimin e tij për ekipin kombëtar të të rriturve të Shqipërisë në tetor të vitit 2023. Mirë se erdhe Marvin”, ka komunikuar klubi Bari./Sport Ekspres/
