Futbollistët e KF Shiroka kanë reaguar pas humbjes së javës të kaluar ndaj Luzit dhe sot kanë “shpërthyer” në fushën “Reshit Rusi” duke e mundur me rezultatin e thellë 9-0. Ky takim në fakt ka patur shumë pak histori sepse në fushë kanë qenë vetëm futbollistët shkodranë.
Në pjesën e parë ata kanë arritur të shënojnë 4 gola, ndërsa në të dytën edhe 5 të tjerë dhe si rrjedhojë, i gjithë ky takim është mbyllur me një dyzinë golash të shënuar në portën e ekipit durrsak.
Protagonisti kryesor në këtë fitore të thellë ka qenë mesfushori Elidon Dulaj i cili ka shënuar plot 3 gola, ndërkohë që 2 të tjerë mbajnë firmën e kapitenit Erjon Vucaj.
Po kaq ka shënuar edhe sulmuesin Ogungbire, ndërsa kanë provuar ndjesinë e të shënuarit në portën kundërshtare edhe mbrojtësi Xhuljan Kapllanaj si dhe sulmuesi Brilant Hasaj.
Me fitoren e sotme, KF Shiroka është ngjitur në kuotën e 26 pikëve dhe ka përfituarr nga barazimi në mes Sopotit dhe Besëlidhjes. Shkodranët tashmë ndodhen vetëm një pikë larg librrazhdasve që mbajnë vendin e dytë në renditje dhe katër pikë larg lezhjanëve që vazhdojnë të kryesojnë.
Burimi: Gazeta “Shkodra Sport”
