Rudolf Turkaj do të largohet nga Ferizaj. Sipas newsport.al se mbrojtësi 31-vjeçar ka vendosur që të mos rinovojë kontratën me klubin “bardheblu”, pas rënies nga Superliga e Kosovës.
Ish-mbrojtësi i Laçit del kështu lojtar i lirë, ndërsa mësohet se objektivi i tij është rikthimi në Superiore. Vlen të theksohet se aventura e mbrojtësit me Ferizajin zgjati vetëm 6 muaj, pasi ai u bashkua me klubin “bardheblu” në janar të këtij viti.
Kujtojmë se Turkaj e ka nisur karrierën e tij tek Shkëndija e Tiranës. Më vonë, qendërmbrojtësi është aktivizuar për ekipe si Besëlidhja, Shënkolli, Iliria, Laçi, Martigues në Francë, Suhareka, Istiqlol në Taxhikistan dhe së fundmi me Ferizajin.
Gjithashtu, 31-vjeçari ka edhe një ndeshje me Kombëtaren shqiptare, përballë Katarit në vitin 2022. Tashmë Turkaj është “okazion” për shumë klube të cilat do të donin përforcime në prapavijë.
