Sot starton faza e dytë e Kategorisë Superiore, me dy ndeshjet e para ditën e sotme. Në orën 14:00, në stadiumin e Kamzës, skuadra vendëse do të presë Tiranën në kërkim të identitetit dhe reagimit, pas ndërrimit të trajnerit.
Në fakt, në fije të perit duket se është edhe Klodian Duro, të cilit i duhet patjetër fitorja ndaj bardhebluve sot për të mbijetuar.
Në orën 17:00, në Vlorë do të luhet sfida e bregdetarëve, mes Flamurtarit dhe Teutës. Ilir Daja dhe të tijtë synojnë të konfirmohen si pretendentë, ndërsa durrsakët të shfrytëzojnë shtysën e marrë nga fitorja e javës së fundit, 3-0 ndaj Lacit.
Ata ishin të parët, që “zhvirgjëruan” kurbinasit, sa I takon humbjes së këtyre të fundit në këtë kampionat.
Ndërkohë, FSHF-ja ka caktuar edhe gjyqtarët e këtyre dy ndeshjeve të javës së 10-të të Superiores, që starton sot, vijon nesër dhe mbyllet të hënën, me kryersfidën Partizani-Skënderbeu.
Kamza-Tirana
Gjyqtarë: Olsi Sokoli, Egin Doda, Denis Rexha
Flamurtari-Teuta
Gjyqtarë: Eldorjan Hamiti, Alfred Shkreta, Arber Zalla
