Mourinho ndodhet në Milano, gati për të zëvendësuar Spallettin

Mediet në Itali raportojnë se Jose Mourinho ndodhet në Milano, dhe po përflitet se të enjten do të zhvillojë një takim me Beppe Marottan.

Gazetari i ‘TeleLombardia’, Davide Russo de Cerame bën të ditur se Jose Mourinho është një opsion për të marrë drejtimin e Interit sezonin e ardhshëm.

Mourinho ka drejtuar edhe në të kaluarën Interin, duke arritur tripletën në vitin 2010, që njihet si suksesi më i madh në historinë e skaudrës zikaltër.

Pas largimit nga Inter, Jose Mourinho ka drejtuar skuadra si Real Madrid, Chelsea dhe së fundi Manchester United.