Nese flasim per atletiken ne Shkoder dhe Shqiperi, nje nga emrat me te respektuar dhe me te vleresuar padyshim qe eshte ai i Izmir Smajlajt. Atletit qe ka arritur gjashte vjet me pare te shpallej kampion i Europes ne Beograd ne garen e kercimit se gjati.

Po ndalemi sot tek ky personazh sepse kjo eshte nje dite e veçante per te. Ai ka ditelindjen, feston 30 vjetorin e lindjes dhe me kete rast, ne emer te redaksise se gazetes “Shkodra Sport” dhe gjithe lexuesve te saj i urojme edhe 100 vite te tjera te lumtura!

Izmiri ka lindur ne Shkoder me 29 mars 1993 dhe ka nisur te merret me atletiken qe ne moshe te vogel teksa do te lidhej me mjeshtrin e trajnimit, Vildan Tufin i cili duke pare edhe konstruktin fizik te tij, e drejton per tek gara e kercimeve.

Dhe sukseset nuk do te mungojne te vijne. Fillon te shpallet kampion i Shqiperise por kuptohet qe kulmin do ta kishte me 4 mars 2017 kur ne Beograd ai arrin te kerceje 8.08 metra dhe shpallet kampion i Europes per salla te mbyllura.

Me pas, po ne vitin 2017 do te zinte vendin e pare ne garat e Kampionatit Ballkanik te zhvilluar ne Stamboll te Turqise dhe shpallet kampion Ballkani.

Ne vitin 2018 do te zinte vendin e pare ne Europianin e shteteve te vogla qe u zhvillua ne Lihtenshtejn. Ne vitin 2020 serish kampion ballkani ne Turqi dhe kete gje do ta perseriste edhe ne vitin 2021 po ne Stamboll duke u shpallur per here te trete kampion ballkani ne sallat e mbyllura. Vend te pare ne vitin 2021 serish vend te pare ne Kampionatin Europian te Shteteve te Vogla qe u zhvillua ne San Marino.

Edhe ne vitin 2022 do te shpallej kampion ballkani ne sallet e mbyllura ne Stamboll duke kercyer 7.79 metra. Izmir Smajlaj mban edhe rekordet kombetare ne garat e kercimit se gjati (me 8.16 metra) dhe ne trehapesh (me 16.30 metra).
Gjergj KOLA