Vllaznia u rikthye te fitorja teksa mposhti Teutën në shtëpi me rezultatin e thellë 4-0. Shkodranët ngjiten në vendin e pestë me 22 pikë, aq sa Erzeni i vendit të katërt. Pas ndeshjes, sulmuesi Ardit Hoxhaj dha intervistën e tij për Oversport
Ku ndihesh më mire? – Ndihem mirë që kam shënuar gol në fillim pastaj rolin e vendos trajneri. Më mirë ndihem në krahë ku mund të jap maksimumin tim.
Penalltia – Unë jam gjuajtës i penalltive. Të parën ja lamë Kainas që të zhbllokohet pasi është sulmuesi jonë kryesor por të dytën e mora unë.
Oshilacionet e Vllaznisë – Ne kemi punuar që të krijojmë stabilitet por edhe pjesa e presionit është e madhe. Kërkohet vazhdimisht që edhe nëse je duke fituar 1-0 këtu duhet të fitosh akoma më mirë. Disa ndeshje i kemi marrë jetë a vdekje. Jemi skuadra me më pak barazime kjo tregon që nuk i pranojmë barazimet dhe luajmë hapur.
Sezon me pak gola – Do të bëj maksimumin që të jap më shumë. Nuk është sezoni më i mirë si për mua edhe për ekipin. Duhet të punojmë sa më mirë në ndeshjet e mbetura. Kemi shumë punë para, kampionati është i gjatë. Vështirësia që kam ndjerë është sepse kam luajtur në qendër të mbrojtësave dhe kam pasur markime ndërsa kur jam në krah e sulmoj më mirë zonën. Kam qenë vërtetë i markuar.
