Armando Broja ka shkëlqyer në ndeshjen e parë sezonale të Çelsit për grupmoshat U18-vjeçare. Sulmuesi e shënoi emrin e tij dy herë në listën e golashënuesve duke i dhënë fitoren të tijve në derbin përballë Arsenalit.
Broja shënoi fillimisht në minutën e 12-te, duke kaluar Çelsin në avantazh, ndërsa në fraksionin e dytë, 12 minuta para se të mbyllej takimi realizoi edhe golin e dytë personal.
Një realizim që vulosi triumfin e londinezëve, edhe pse në fund Arsenali shkurtoi diferencat. Kështu, 17-vjeçari me origjine nga Malesia e Madhe, ka shfaqur menjëherë potencialin tij, ndërsa edhe në ndeshjet e fundit të shpresave, teksa u grumbullua nga tekniku Alban Bushi, lojtari ka treguar se e pret një e ardhme e madhe.
Sigurisht, ëndrra e Brojës është të luajë me skuadrën e parë, megjithatë sulmuesi ka të gjithë kohën për t’ia dalë hap pas hapi./vipsport/
