Arsenali ka treguar se është skuadra për t’u mundur në këtë sezon të Premier Ligës, duke u rikthyer te fitorja dhe te kreu pas triumfit 0-3 në transfertë me Brentfordin.
Skuadra e Mikel Artetës e dominoi takimin nga fillimi në fund, duke gjetur dy gola në pjesën e parë dhe një në të dytën.
Nga ana tjetër, në skuadrën ku bën pjesë dhe Tomas Strakosha, i cili u la sërish në stol, nuk pati shumë raste për të kërcënuar portën e Ramsdejl.
Kështu Arsenali ngjitet sërish në vendin e parë në Premier Ligë, me 18 pikë, një më shumë se Mançester Siti dhe Totenhemi.
