Vllaznia e basketbollit te femrave eshte rikthyer tek fitorja ne kampionat. Mesditen e sotme ajo ka arritur nje fitore te lehte ndaj Barletit me rezultatin e thelle 110-49 ne sfiden e luajtur ne pallatin e sportit “Qazim Dervishi”.
Gjithçka ne 40 minutat e ketij takimi eshte kontrolluar nga vajzat shkodrane qe e nisen me vrull qe ne perioden e pare duke e mbyllur ate me shifrat 33-10. Ato kane vazhduar ta thellojne diferencen edhe ne perioden e dyte qe u mbyll me rezultatin 28-12.
Ne kete menyre, dy ekipet kane shkuar ne pushim me nje diference prej 39 pikesh ne favor te Vllaznise. Ne dy periodat e fundit nderkohe, trajneri Gjeçaj u ka dhene mundesi te luajne edhe te gjitha lojtareve te stolit, megjithate kjo nuk e ka ulur diferencen.
Perioda e trete u mbyll 28-15 po per Vllaznine, nderkohe qe ne te katert u fiksuan shifrat 21-12 dhe ne kete menyre e gjithe ndeshja eshte mbyllur me nje fitore te lehte te vajzave kuqeblu me 61 pike diference, pra me rezultatin e pergjithshem 110-49.
Per te ka shkelqyer si gjithnje basketbollistja Bernada Rreshpja qe ka arritur te shenoje plot 43 pike ne kete ndeshje, ndersa te tjerat kane shenuar Anisa Bokrina (23), Anisa Musaja (13), Sindi Kryeziu (9), Sara Murçaj (8), Ingrid Dashja (6), Melida Hykaj (5) dhe Medina Hykaj (3).
Pas javes se 17-te te kampionatit, Vllaznia eshte ngjitur ne kuoten e 27 pikeve duke qene e sigurte ne vendin e katert dhe brenda objektivit te saj./www.shkodrasport.com/
