BASKETBOLL

Tashmë është vendosur. Parketi i pallatit të sportit “Qazim Dervishi” do të hiqet nga vendi dhe do të shtrohet sërish nga fillimi. Lajmi është konfirmuar ditën e djeshme në një prononcim për mediat nga drejtoresha e zyrës së urbanistikës pranë Bashkisë Shkodër Aida Shllaku. Sipas tij, parketi nuk është marrë në dorëzim ende dhe meqenëse janë vërejtur shumë anomali, është urdhëruar firma përkatëse për shtrimin sërish të tij.

Vllaznia nuk arrin të fitojë as në ndeshjen e katërt që luan në Shkodër, njëkohësisht të fundit në fushën e vet, në takimet e vlefshme për Ligën Ballkanike. Megjithatë, pasditen e djeshme ndaj Sigal Prishtinës, basketbollistët shkodranë kanë bërë një paraqitje shumë të mirë dhe me pak kujdes edhe mund ta kishin fituar ndeshjen.

Vllaznia është kualifikuar pa asnjë vështirësi për në gjysmëfinale të Kupës së Shqipërisë në basketboll për meshkuj. Në ndeshjen çerekfinale ndaj Elbasanit të luajtur pasditen e së martës në pallatin e sportit “Qazim Dervishi”, basketbollistët shkodranë kanë fituar me rezultatin 100 me 83. Ndeshja është dominuar nga fillimi e deri në fund nga vendasit të cilët në këtë takim kanë luajtur me lojtarët rezervë.

Java e tetë e kampionatit kombëtar të basketbollit për meshkuj do të dhurojë një sfidë shumë interesante. Në Shkodër, Vllaznia do të presë një nga ekipet rivale, pikërisht atë të Kamza Basket në një ndeshje që është vlerësuar maksimalisht në kampin shkodran. Madje trajneri Bledar Gjeçaj ka njëfarë frike nëse humbja e fundit në Ligën Ballkanike me ekipin maqedonas Kozuv të mos ketë ndikuar tek skuadra.

Pavarësisht humbjes shumë të thellë ndaj ekipit maqedonas Kuzov, basketbollistët e Vllaznisë kanë marrë shumë duartrokitje nga tifozët e shumtë shkodranë që kanë qenë të pranishëm mbrëmjen e së martës në pallatin e sportit “Qazim Dervishi”. Kuptohet që ata kanë qenë të vetëdijshëm për nivelin e ekipit të tyre dhe po ashtu edhe për atë të ekipit maqedonas i cili jo më kot kryeson grupin e Ligës Ballkanike. Njëri nga lojtarët e Vllaznisë, pikërisht Damjan Bekteshi, në një prononcim për mediat pas ndeshjes sigurisht që ka kërkuar falje për paraqitjen jo të mirë të këtij ekipi në këtë ndeshje e njëkohësisht ka evidentuar edhe vlerat e kundërshtarit.

Ndryshe nga ndeshja me Krajovën që pati shumë rivalitet, ndeshja e rradhës e vlefshme për Ligën Ballkanike ndaj maqedonasve të Kozuv, basketbollistët e Vllaznisë këtë herë kanë zhgënjyer me paraqitjet e tyre. Ato kanë humbur me rezultatin e thellë 88 me 52. Natyrisht niveli I kundërshtarit ka qenë I lartë dhe jo më kot, ato ndodhen në vendin e parë në renditje por edhe shkodranët nuk kanë bindur me lojën e tyre në këtë takim.

Sërish probleme për parketin e pallatit të sportit “Qazim Dervishi”. Pasditen e së enjtes, janë konstatuar ngritje të parketit në pjesën e mesit të fushës, e kjo madje e ka bërë të pamundur stërvitjen e ekipeve të basketbollit dhe të volejbollit. Një rikthim I problemeve të këtij parketi, ka detyruar drejtuesit e klubit shumësportësh Vllaznia të thërrasin sërish punonjësit e firmës që ka shtruar parketin.

Vllaznia në basketboll për meshkuj ka arritur edhe fitoren e gjashtë rradhazi në kampionat duke patur pikët e plota dhe duke mbajtur vendin e parë në renditje. Fitorja e djeshme në fakt është për rekord pasi basketbollistët shkodranë kanë mundur me plot 63 pikë diferencë ekipin e Apolonisë së Fierit. Ndeshja është luajtur në pallatin e sportit “Ramazan Njala” të Durrësit dhe nuk ka patur fare rivalitet. Djemtë e trajnerit Bledar Gjeçaj e kanë dominuar takimin nga fillimi e deri në fund duke mos u vënë asnjëherë në vështirësi nga kundërshtari.

Vllaznia në basketboll për meshkuj vazhdon të fitojë dhe të udhëheqë renditjen e kampionatit me pikë të plota duke u rikonfirmuar si kandidatja kryesore për fitimin e titullit kampion edhe në këtë sezon. Pasditen e djeshme ajo ka fituar në Tiranë ndaj Partizanit me rezultatin 79 me 52. Epërsia e kuqebluve ka qenë e plotë. Ato kanë fituar periodën e parë në shifrat 24 me 11 dhe po ashtu edhe të dytën me rezultatin 21 me 13. Në këtë mënyrë, të dy ekipet kanë shkuar në pushimin e ndeshjes me një diferencë prej 21 pikësh në favor të Vllaznisë.