BOKS

^{Ka nisur pasditen e sotme kampionati kombëtar i boksit për të rinj. Ky kampionat është vendosur të zhvillohet në Shkodër ngaqë Federata Shqiptare e Boksit ka patur vështirësi për gjetjen e një vendi për zhvillimin e këtij kampionati dhe vetëm qyteti verior "i ka dalë për zot". Pjesmarrës në këtë aktivitet janë 37 sportistë të ekipeve të ndryshme dhe nga ajo çfarë është vërejtur ditën e parë, ekipi privat "Arena" nën drejtimin e trajnerit Fatjon Sorra i cili kishte ardhur në këtë kampionat me përbërje të plotë: 9 sportistë dhe padiskutim që është pretendenti kryesor për fitimin e titullit kampion, edhe ngaqë Vllaznia merr pjesë vetëm me 4 boksierë dhe po ashtu edhe ekipet e tjera kanë pak.}

Pak ditë më parë ai ka fituar medaljen e artë në turneun ndërkombëtar të Sarajevës në Bosnjë. Kjo sigurisht që do jetë një nxitje e madhe për karrierën e tij dhe objektivi është i qartë: Pikësëpari, do të synojë titullin kampion të Shqipërisë dhe më pas, marrjen e medaljes në Lojërat Mesdhetare. Këtë e ka pohuar ai vetë në një prononcim për gazetën www.shkodrasport.com kur thotë:

Të premten do të nisë në Shkodër kampionati kombëtar I boksit për të rinj. Ai mendohet të zhvillohet për tre ditë me rradhë në pallatin e sportit “Qazim Dervishi” por kjo do të varet nga numri I sportistëve pjesmarrës sepse garat mund të reduktohen edhe në dy ditë. Në këtë kampionat, do të marrin pjesë boksierët më të mirë të vendit në këtë grupmoshë.Mes tyre, pa diskutim që do të marrë pjesë edhe ekipi I Vllaznisë. Kryetrajneri I ekipit shkodran Zef Gjoni, në një prononcim për shkodrasport.com, ka bërë të ditur se këtë herë, nuk do të ketë pretendime si ekip ngaqë janë larguar disa boksierë jashtë vendit dhe synimi do të jetë shpallja kampion e disa sportistëve në peshat respektive.

Nga katër boksierët shqiptarë që diskutuan finalet e sotme të turneut ndërkombëtar të Sarajevës, vetëm njëri prej tyre ka arritur të triumfojë dhe të marrë medaljen e artë. Ai është Syrjan Marinaj. Shtatëlarti i ringut, ka zhvilluar një ndeshje shumë të mirë dhe në fund ka arritur të fitojë finalen ndaj kundërshtarit të tij malazez. Në këtë mënyrë, boksieri i Vllaznisë dhe i kombëtares shqiptare, është shpallur fitues i peshës 81 kg. Me shumë interes është ndjekur edhe ndeshja finale e peshës 75 kg në mes Arjon Kajoshit dhe një boksieri slloven.

Katër boksierët pjesmarrës të Vllaznisë kanë fituar të drejtën për të diskutuar finalet e nesërme në turneun ndërkombëtar që po zhvillohet në Sarajevë të Bosnjës. Në fakt ishte menduar të merrnin pjesë pesë sportistë, por në fund Nelson Hysa është tërhequr dhe nuk ka udhëtuar drejt këtij shteti ballkanik. Sot janë zhvilluar ndeshjet gjysmëfinale. Nga boksierët tanë, kanë konkurruar vetëm dy prej tyre. Kështu, Arjon Kajoshi në peshën 75 kg ka arritur të fitojë ndaj një boksieri vendas- boshnjak. I suksesshëm ka qenë edhe boksieri tjetër i Vllaznisë, Syrjan Marinaj që në gjysmëfinalen e peshës 81 kg, ka arritur të fitojë ndaj një kundërshtari slloven.

Pesë boksierë të Vllaznisë të premten do të nisen drejt Bosnjës për të marrë pjesë në një turne ndërkombëtar që do të zhvillohet këtë fundjavë në Sarajevë. Marjan Vashja, Arjon Kajoshi, Syrjan Marinaj, Emanuel Kaçaj dhe Nelson Hysa, të drejtuar nga trajneri Zef Gjoni sigurisht që janë përgatitur ashtu si duhet për të bërë një paraqitje të mirë në këtë turne ku do të marrin pjesë disa shtete të Ballkanit dhe të Europës. Vashja do të konkurrojë në peshën 69 kg, Kajoshi në 75 kg, Marinaj në 81 kg, Kaçaj në 91 kg dhe Hysa në +91 kg. Trajneri Gjoni në një prononcim për shkodrasport.com ka bërë të ditur se objektivi është i qartë: zënia e dy apo tre vendeve të para në pesha të ndryshe.

Paraditen e djeshme është inaguruar palestra e re e boksit e klubit sportiv Vllaznia. Në fakt nuk ka patur prerje shiriti por megjithatë tashmë zyrtarisht boksierët shkodrane kanë një palestër të re që është ndërtuar në ambjentet poshtë tribunave të stadiumit "Loro Boriçi". Trajneri i ekipit shkodran Zef Gjoni e vlerëson shumë ndërtimin e kësaj palestre dhe shprehet se ajo do të shërbejë për rritjen e cilësisë sportive të boksierëve të Vllaznisë por edhe të kombëtares shqiptare.

Kombëtarja shqiptare e boksit, në përbërje të së cilës janë 5 sportistë, që nga dita e sotme është grumbulluar në Shkodër. Boksierët e përzgjedhur nga stafi i ekipit kombëtar do të përgatiten këtu për një periudhë dyjavore në prag të marrjes pjesë në Kampionatin Botëror që do të zhvillohet muajin e ardhshëm në Azerbajxhan. Sipas trajnerit Zef Gjoni, këtë herë përgatitjet falë edhe mbështetjes që ka dhënë Komiteti Olimpik po bëhen në mënyrën e duhur dhe për rrjedhojë, kjo lë shpresa për një paraqitje më të mirë në këtë eveniment shumë të rëndësishëm.

Prej pak ditësh në Shkodër, bashkë me boksierët e kombëtares shqiptare, janë duke u stërvitur edhe dy boksierë të kombëtares së Kosovës si dhe trajneri i tyre. Ata kanë vendosur të jenë në këtë qytet, natyrisht falë mikëpritjes së vendasve për t’i krijuar mundësinë e përgatitjes ashtu si duhet për turneun ndërkombëtar të Turqisë ku të dy ekipet do të marrin pjesë në muajin e ardhshëm. Trajneri i kombëtares kosovare Shefki Bogujevci në një intervistë pëshkodrasport.com  bën të ditur edhe objektivat që do të kenë me boksierët pjesmarrës.

Kombëtarja shqiptare e boksit do të përfaqësohet me 4 sportistë në finalet e nesërme të Memorialit të 13-të ndërkombëtar "Vllaznia 2016". Ky është verdikti i dalë nga ndeshjet e ditës së dytë të këtij aktiviteti. Në këto ndeshje, kanë konkurruar edhe katër boksierët tanë. I pari, vlonjati Krenar Zeneli ka arritur të fitojë ndaj shqiptarit të Maqedonisë Jasin Lama. Ndërkohë në ndeshjen e peshës 75 kg Mateo çullhaj është mundur nga kazakistanasi Alzhanov. Po për këtë peshë, Shkodrani Arjon Kajoshi ka arritur një tjetër fitore, këtë herë ndaj malazezit Sabotiç.