FUTBOLL - KATEGORIA E PARE

Skuadra e Veleçikut ka zhvilluar takimin e parë miqësor për këtë vit, pikërisht në qytetin e Tuzit të Malit të Zi me ekipin vendas të Deçiçit. Kjo ndeshja do t’i shërbejë trajnerit Besnik Duli si test kontrolli në prag të rinisjes së fazës së dytë të kampionatit. Trajneri Duli e ka nisur ndeshjen me formacionin e aktivizuar në ndeshjen e fundit të fazës së parë, atë të fituar në Prrenjas ndaj Domosdovës vendase me rezultatin 1-0. Që në fillim, skuadra vendase është gjendur përballë një presioni të vazhdueshëm me sulmve të vendasve. Djemtë koplikas kanë rezistuar vetëm shtatë minuta pasi vendasit kalojnë në avantazh me anë të japonezit Tomisaka.

Në mbledhjen e djeshme të Këshillit Bashkiak është miratuar edhe zëvendësimi I anëtareve të Këshillit  Mbikëqyrës të shoqërisë aksionere Vllaznia. Kryetari I këtij Këshilli, nënkryetari I Bashkisë Ritvan Troshani dhe dy anëtarët e tij, Beniamin Idrizi dhe Sued Hadri, kanë dhënë dorëheqjen. Në kushte të tilla, largimi I anëtarëve të këtij Këshilli duhet plotësuar me të tjerë dhe emrat për këtë do propozohen nga Këshilli Bashkiak.

Në stërvitjen e djeshme të Vllaznisë ka rënë në sy edhe prania e një futbollisti afrikan. Bëhet fjalë për Oshobe Oladele. Ai nga sa merret vesh, është 20 vjeç dhe është anëtar I Kombëtares U-21 të Nigerisë. I shoqëruar nga menaxheri Alfred Bode, futbollisti ka zhvilluar seancën e parë me kuqeblutë. Ai luan si mesfushor dhe sot do vendoset përfundimisht për fatin e tij nëse do federohet apo jo me Vllazninë.

Me të mbaruar konferencën e shtypit, presidenti I ri I Vllaznisë ka nxituar të kapë stërvitjen e ekipit për të zhvilluar të pari takim me të pas zyrtarizimit në këtë post. Ai ka takuar fillimisht trajnerin Bushati dhe më pas drejtorin sportiv Grima ndërkohë që kanë ardhur futbollistët të cilët një e nga një, I kanë dhë dorën presidentit të tyre të ri duke I uruar suksese.

Ish- trajneri I Vllaznisë Mojash Radonjiç që tani drejton ekipin e Llovçen të Cetinjës, pjesmarrës në Superligën malazeze, kërkon të marrë në rradhët e saj sulmuesin 19 vjeçar shkodran Sindrit Guri. Ky I fundit nuk është duke u preferuar shumë nga ana e trajnerit Artan Bushati dhe në kushte të tilla, kërkon ta shfrytëzojë këtë moment për ta marrë tek skuadra e tij. Radonjiç ka qenë present në dy ndeshjet e fundit miqësore të Vllaznisë, atë ndaj Grbalj dhe dje ndaj Mlladostit teksa ka parë që Guri në ndeshjen e parë është aktivizuar pak minuta ndërsa dje asnjë.

Vllaznia ka luajtur sot në Budva ndeshjen e dytë miqësore në tokën malazeze. Përballë saj ka qenë ekipi Grbalj që merr pjesë në Superligën e vendit fqinj dhe ka fituar me rezultatin 1-0. Në krahasim me ndeshjen  e pak ditëve më parë trajneri Bushati kishte vendosur të ndryshonte dy gjëra në formacion. Ishte rikthyer pas një dëmtimi në qendër të mbrojtjes Kraja që ka luajtur përkrah Seminës ndërsa në krahë kanë qenë Smajli dhe Begaj ndërsa prapa në portë Gjokoviç pasi do jetë ai që do luajë në ndeshjen e parë në Korçë për shkak të pezullimit të Vujadinoviç.

Për ndeshjen miqësore të 6 shkurtit me Gjoeorgjinë që do të luhet në "Qemal Stafa", trajneri i kombëtares shqiptare Xhani De Biazi pritet të grumbullojë edhe katër futbollistë shkodranë. Nuk janë as Hamdi Salihi që nuk po kalon një moment të mirë në karrierën e tij dhe as Gilman Lika. Burime pranë Federatës kanë bërë të ditur se në listën e lojtarëve që do publikohet brenda 2-3 ditësh, janë edhe 4 futbollistë shkodranë. I pari është Bekim Balaj, sulmuesi shtatëlartë që luan në Çeki me Spartën e Pragës. I dyti është Armando Vajushi, mesfushori- sulmues që luan në Bullgari me Liteks.

Sulmuesi malazez Xhorxhe Cetkoviç është larguar pasditen e sotme nga kampingu i Vllaznisë në Ulqin. Ai nuk ka arritur të gjejë akordin me drejtuesit e saj për të firmosur një kontratë me ta. Cetkoviç kishte tre ditë që ishte në stërvitje dhe sot ka dashur përgjigjen përfundimtare. Ai ua ka bërë të qartë drejtuesve kuqeblu kërkesat financiare ndërsa këta të fundit nuk kanë qenë kundër vlerave të këtij lojtari por mesa duket nuk ishte në qind përqindshin e formës së tij fizike dhe kanë menduar se nuk ia vlente që të paguanin aq sa ai kërkonte. Në kushte të tilla, palët kanë rënë dakord që të mos negociojnë më.

Opinion nga Mejdan ZHIVANI

Ndryshe nga sezonet e kaluara, e sidomos në merkaton e janarit, skuadrat e Kategorisë së Parë e kanë marrë shumë seriozisht merkaton e dimrit, duke shënuar surpriza deri tani, por edhe risi. Nëse në Kategorinë Superiore mungojnë lëvizjet e bujshme, apo të ashtquajtura “peshat e rënda”, e kundërta po ndodh një kategori më poshtë, ku bëjnë pjesë skuadra të njohura dhe me traditë në futbollin shqiptar.

Tek Ada faza e dytë e kampionatit do të jetë shumë më ndryshe në krahasim me fazën e parë. Premtimi vjen nga njëri prej lojtarëve më të mirë të kësaj skuadre, ai që ka një përvojë të madhe dhe në Superligë me Vllazninë, pikërisht Edmond Doçi. 31 vjeçari e ka të qartë sesi duhet të funksionojnë gjërat në një skuadër dhe prandaj është në gjendje të shpjegojë edhe se çfarë nuk ka shkuar ashtu siç duhet në gjysmën e parë të kampionatit. Duke folur për “Shkodra Sport", ai ka thënë: “Kemi patur në skuadër lojtarë të cilët kanë ardhur nga Vllaznia apo dhe skuadra të tjera të cilët nuk kanë luajtur në kampionatin e kaluar dhe duke qenë në pozita të tilla, kanë vonuar të dalin në lojën e tyre, të ambjentohen me pjesën tjetër të skuadrës.