FUTBOLL - KATEGORIA E PARE

Me shumë vonesë por sot do të nisë puna për sezonin e ri tek Ada. Drejtuesit e klubit velipojak kanë bërë të ditur se pasditen e sotme në orën 17.30 në kompleksin sportiv “Hasaj” në Golem do të zhvillohet seanca e parë stërvitore. Ajo do të drejtohet nga kapiteni i kësaj skuadre dhe njëkohësisht një nga trajnerët e saj Etrit Nika. Gjërat tashmë janë të qarta. Futbollistët që janë nën kontratë me Adën por edhe ata që kanë qenë sezonin e kaluar pjesë e ekipit U-19 të këtij klubi, do të jenë të gjithë të pranishëm në këtë seancë të parë. Përveç tyre do jenë edhe futbollistë të tjerë të cilët kanë dëshirë të luajnë me këtë skuadër në sezonin e ri. Velipojakët e kanë nisur me shumë vonesë punën por kushtet kështu kanë qenë.

Skuadra e Adës së Velipojës rrezikon të mos marrë pjesë në kampionatin e ardhshëm të kategorisë së parë. Ajo është në prag të shpalljes së falimentimit të saj. Lajmi bëhet I ditur nga burime pranë këtij klubi të cilat thonë se ende nuk ka asnjë përpjekje për ta shpëtuar këtë gjë. Kemi hyrë në muajin gusht dhe kur pritet hedhja e shortit të kampionatit, klubi Ada pritet të njoftojë FSHF-në për tërheqjen e saj nga kampionati. Arsyeja është pamundësia financiare por edhe mosliçensimi I fushës e gjëra të tjera. Më shumë sesa këto arsye, duket se janë edhe disa mosmarrëveshjes në mes dyshes së presidentëve Lazër Matija dhe Alfred Pjetri me drejtuesit e Komunës Velipojës.

Rikthimi pas 10 vitesh në kategorinë e parë për Veleçikun shpresohet që të mos ketë të njëjtin fat si atëherë kur skuadra nuk arriti ta mbylli dot kampionatin. Kjo ngaqë, ende nuk ka asnjë lëvizje tek kjo skuadër. Pavarësisht dëshirës së kryebashkiakut Ramadan Likaj që është njëkohësisht edhe president I skuadrës, duket se nuk do jetë e lehtë ndërtimi I një skuadër me pretendime për të mos rënë sërish nga kategoria. Së pari, duhen financat e duhura dhe ky është një problem serioz.

E ka marrë në pozita aspak të mira në renditje skuadrën e Adës pas javës së tetë të kampionatit megjithatë ka pasë besim se do të dalë dhe tashmë që e ka arritur objektivin me të, Ritvan Kulli ndjehet mjaft I kënaqur. I tillë është shfaqur pas ndeshjes së fundit të kampionatit, atë të luajtur me Kamzën ditën e shtunë në Velipojë. Ada ka barazuar 2-2 dhe me këtë rezultat e ka mbyllur kampionatin në vendin e tetë. Në rast fitoreje, do kishte ngjitur edhe 2-3 shkallë megjithatë sërish Kulli është I kënaqur teksa për gazetën do shprehej:

Pas plot 10 vitesh, Veleçiku i Koplikut do të jetë sërish në kategorinë e parë të futbollit shqiptar. Ai e ka siguruar këtë gjë pikërisht sot në ndeshjen e fundit të kampionatit teksa ka mundur 3-0 Domosdovën dhe në këtë mënyrë ka ruajtur vendin e parë në Grupin e Veriut duke siguruar kështu ngjitjen një kategori më lart. Me fitoren e sotme, koplikasit janë ngjitur në kuotën e 39 pikëve pas 12 fitoresh, 3 barazimesh dhe 3 humbjesh të pësuara dhe me një golaverazh prej 37 golash të shënuar dhe vetëm1 7 të pësuar.

Skuadra velipojake ka arritur një tjetër rezultat pozitiv në rrugën e saj drejt shpëtimit nga rënia prej kategorisë dhe ky objektiv tashmë duket shumë pranë arritjes. Pasditen e sotme, Ada ka mundur Himarën me rezultatin 1-0 në ndeshjen e luajtur në fushën sportive "Adriatik". Goli i shënuar nga Ervit Jacaj në minutën e 53-të të ndeshjes, ka mjaftuar që bregdetarët të marrin tre pikët dhe të sigurojnë fitoren në këtë ndeshje. Loja ka qenë e kontrolluar gjatë gjithë kohës prej tyre. Madje përveç golit të shënuar, sulmuesit e tyre kanë patur edhe 5-6 mundësi të tjera për ta bërë këtë gjë.

Megjithëse duhet të fitojnë edhe ndeshjen e fundit në fushën e tyre ndaj Domosdovës për të siguruar përfundimisht ngjitjen në Kategorinë e Parë, Veleçiku i Koplikut e konsideron që tani veten pjesë e një kategorie më lart. Kanë dhjetë vjet që presin dhe në sfidën e fundit nuk e mendojnë kurrsesi dështimin. Madje, presidenti i skuadrës, Ramadan Likaj, ka organizuar edhe një drekë festive me futbollistët, stafin teknik dhe tifozët, me orkestër, këngë, valle dhe pije pa fund. Në Koplik kanë festuar si të çmendur dhe të gjithë tani presin sfidën e fundit, që do të luhet këtë të diel ndaj Domosdovës, për të siguruar zyrtarisht ngjitjen në Kategorinë e Parë.

Festa e filluar në stadiumin "Loro Boriçi" pasditen e djeshme shoqëruar me fitoren 4-0 në ndeshjen e fundit ndaj Dardanisë dhe më pas me ndarjen e medaljeve dhe në fund të kupës, ka vijuar mbrëmjen e së dielës me një tjetër festë. Presidenti i klubit të Adës Lazër Matija pikërisht për këtë sukses ka shtruar një banket të madh ku kanë marrë pjesë të gjithë sportistet e ekipit bashkë me familjarët e tyre, stafi drejtues por nuk ka munguar si mysafir në këtë festë edhe ekipi i Dardanisë si dhe stafi i The Door. Ka patur të ftuar të shumtë edhe nga bota e medias, të klubit Vllaznia dhe atij shumësportësh.