KATEGORIA SUPERIORE

Humbja në Vlorë, ndaj Flamurtarit, ka bërë që Vllaznia të shkojë sërish në vendin e pestë në renditje. Natyrisht, kjo nuk është pritur mirë nga ana e drejtuesve, apo edhe tifozëve, sepse tashmë objektivi i vendosur është mbajtja e vendit të katërt deri në fund të kampionatit. Arritja e këtij objektivi është konsideruar e mundshme edhe nga ana e një ish-lojtari të kësaj skuadre, Elvin Beqiri. Ky i fundit, në një prononcim për “SHKODRA SPORT” deklaron:

Ka mjaftuar humbja në Vlorë ditën e shtunë që ekipi i Vllaznisë të kthehej "me këmbë në tokë". Gjashtë rezultatet pozitive që kishte arritur më parë, madje edhe ndaj ekipeve pretendente, e kishin nxehur atmosferën në kampin shkodran. Shumëkush mendonte se kjo skuadër ishte e pathyeshme por në fakt, mjaftoi një 90 minutësh i luajtur në Vlorë për të kuptuar se vetëkënaqësia është problemi i madh i kësaj skuadre. Jo më kot trajneri Cungu pas ndeshjes është shprehur se "lojtarët menduan se kampionati tashmë ka mbaruar". Kjo u ka bërë dëm atyre sepse në fushë nuk treguan asgjë nga vlerat e tyre të vërteta.

Vllaznia nuk e ka çuar me tej serine e saj te rezultateve pozitive pasi pasditen e sotme eshte ndalur nga Flamurtarin ne Vlore me rezultatin 0-2. Dy gola të realizuar përkatësisht nga një në çdo pjesë, me Bushiç që ka kaluar vlonjatët në avantazh në minutën e 7’ dhe Alves që ka sigluar fitoren më të rëndësishme të këtij sezoni në të 61’. Nga ana tjetër, dy traversat e Vllaznisë, të regjistruara nga Bardulla dhe Tafili, kanë qenë të pamjaftueshme për të ruajtur serinë e rezultateve pozitive.

Ka rikthime në formacion tek Vllaznia për ndeshjen e sotme ndaj Flamurtarit megjithatë ajo që të bën përshtypje është vendosja në manovrën sulmuese të skuadrës. Kështu, ndonëse Bakaj rikthehet nga skualifikimi, ai nuk do të luajë këtë herë në majë të sulmit siç ka bërë nga muaji janar kur ka ardhur tek kuqeblutë. Trajneri Cungu ka vendosur këtë herë ta aktivizojë në rolin e mesfushorit të avancuar. Kjo ngaqë në majë do të luajë sërish i riu Hebaj. Ai edhe në ndeshjen e kaluar me Partizanin spikati me lojën dhe golin e shënuar dhe për këtë arsye, stafi teknik ka vendosur t'i besojë nga minuta e parë.

Flamurtari-Vllaznia është sfida e radhës, që do të luhet të shtunën, në orën 19:00, në stadiumin e Vlorës. Për vendasit do të jetë një ndeshje për “jetë a vdekje”, megjithatë drejtori sportiv i kuqebluve, Eugent Zeka, në një prononcim për mediat është shprehur qartë se nuk i intereson shumë mënyra si po e përgatit kundërshtari këtë takim. “Shkojmë në Vlorë jo me mendimin e interesave të Flamurtarit, por me interesat e skuadrës dhe klubit tonë.

Shumë zhurmë për asgjë. Kështu mund të konsiderohet zhurma e bërë gjatë gjithë kësaj periudhe për mbledhjen e Asamblesë së Përgjithshme të klubit të futbollit Vllaznia. Ndonëse në mbledhjen e sotme pati diskutime por edhe kundërshtime të punës së bërë, në fund të gjithë këshilltarët bashkiakë që kanë qenë të pranishëm në sallë, të majtë apo të djathtë, të qendrës apo të pavarur, kanë ngritur dorën duke miratuar gjashtë nga shtatë pikat e rendit të ditës. E fundit, ajo e miratimit të disa ndryshimeve në statut, është lënë për në mbledhjen e ardhshme. Në fakt, edhe kjo mbledhje ka qenë pranë dështimit ashtu si 20 ditë më parë, për shkak të mungesës së anëtarëve në sallë megjithatë pas disa minutash pritje, është bërë numri i duhur për të nisur mbledhjen dhe më pas çdo gjë ka shkuar ashtu siç ishte parashikuar.

Ish- trajneri i Vllaznisë që nga dita e djeshme është rikthyer sërish në pankinë. Por kuptohet jo në Shqipëri. Ai është emëruar trajner i ekipit Chiasso që merr pjesë në ligën e dytë të Zvicrës. Natyrisht që ai ka drejtuar edhe më parë këtë ekip dhe e njeh mjaft mirë ambjentin dhe kjo ka qenë arsyeja kryesore që drejtuesit e klubit ia kanë besuar atij këtë pankinë. Raineri do të zërë vendin e  Giuseppe Scienza i cili u shkarkuar për rezultate të dobëta sportive.

Ashtu si javën e kaluar, edhe këtë herë duket se situata në kampin shkodran nuk është e qetë. Paksa e çuditshme, por lajme dhe thashetheme të ndryshme, që qarkullojnë në media, apo në opinionin sportiv, kanë prishur qetësinë te pjesëtarët e Vllaznisë. Edhe ditën e sotme ka qenë e njëjta situatë. Në një nga të përditshmet sportive shkruhej se në analizën e djeshme të kuqebluve, futbollistëve u është bërë e ditur edhe shuma që do të përfitonin si shpërblim për barazimin ndaj Partizanit, shumë që gjoja ishte 500 euro për secilin futbollist.

Shumëkush e ka konsideruar një sfidë ekipesh tradicionale të futbollit shqiptar. Të tjerë një sfidë trajnerësh në mes Cungut dhe Starovës. Ka pasë mendime nëse do të ishte edhe një sfidë në mes dy tifozërive. Por në fakt, sfida e vërtetë ka qenë ajo e fushës së blertë. Në mes futbollistëve dhe të bën përshtypje një fakt shumë interesant. Përballë "milionerëve" të Partizanit të mbledhur nga drejtuesit e këtij klubi nga vende, qytete e shtete të ndryshme, kanë qenë 10 shkodranë.

Kuqeblutë tregojnë sërish karakter, dinjitet dhe tregojnë forcën e tyre përsëri. Këtë herë ndaj Partizanit sërish, me të cilin vazhdon seria e rezultateve pozitive. Në "Loro Boriçi" pasditen e sotme, Vllaznia ka barazuar 1-1 ndaj të kuqve, madje ajo ka qenë shumë pranë fitores. Takimi ka patur brenda shumë emocione. Ka nisur mirë për vendasit të cilët ndonëse me pesë mungesa në formacion, janë shfaqur shumë dinjitozë në fushën e lojës.