SHKODRANET NEPER BOTE

Deri më tani askush nuk e ka ditur një gjë të tillë. Para 2-3 muajsh, thjesht në mediat tona është bërë një lajm 10 rradhës se një lojtar 17 vjeçar ka firmosur me një ekip të Superligës belge. Asgjë më shumë. Por, nga kërkimet tona na del një fakt shumë interesant. Bëhet fjalë për një futbollist me origjinë nga Shkodra i cili duket se ka shumë të ardhme dhe shumë shpejt mund ta shohim duke luajtur edhe në ekipe më me emër.

Situata tek skuadra e Flamurtarit nuk është aspak e mirë. Ngjitja në Superligë ka rezultuar më e vështirë nga sa ishte menduar dhe jo më kot, skuadra ndodhet aktualisht në vendin e parafundit në renditje. Megjithatë pasditen e sotme, kuqezinjtë i janë gëzuar një barazimi. Dhe golin që do t'i jepte pikën e vetme Flamurtarit, do ta shënonte pikërisht një shkodran.

Në Kosovë, pikërisht në Prishtinë, tifozët e ekipit të Flamurtarit po "qajnë" largimin nga drejtimi i skuadrës së tyre të trajnerit shkodran Samuel Nikaj në verën e këtij viti. Kjo nuk ka sjellë asnjëfarë progresi tek kjo skuadër e cila vërtetë është ngjitur sivjet në Superligë por duket se do të bjerë sërish në të parën sepse të dy trajnerët që e kanë drejtuar deri më tani, nuk kanë patur sukses.

Hamdi Salihi shënon sërish. Të luajë Neustadt dhe mos shënojë ai, ky po që do ishte lajm. Sulmuesi shkodran është abonuar me golin në Austri dhe po shënon nga ndeshja në ndeshje.Pas pokerit javën e shkuar, ish-sulmuesi i kombëtares shqiptare ka shënuar sot golin e radhës për ekipin e tij.

Për mbrojtësin shkodran të Napolit sot ka qenë një ditë e veçantë. Ai ka mbushur plot 100 ndeshje me fanellën e kësaj skuadre dhe për këtë arsye, para ndeshjes Napoli-Sassuolo u zhvillua një ceremoni e vogël. Kapiteni i ekipit Hamshik i ka dhuruar atij një fanellë me numrin 100. Për shkodranin janë bërë plot 100 ndeshje me fanellën e Napolit.

Katër gola vetëm në ndeshjen e fundit. Në total 13 gola në 15 javë të luajtura në Ligën e Parë austriake, ku është edhe golashënuesi i kampionatit. Hamdi Salihi po përjeton rininë e dytë në Austri, duke bërë atë që di më mirë: Të shënojë! Bomberi po shijon momentin, pa menduar më tepër se ç’duhet për të ardhmen.

Sulmuesi shkodran Hamdi Salihi nuk ndalet në Ligën e dytë në Austri. Ish- sulmuesi i kombetares shqiptare është transformuar në një përbindësh sot në ndeshjen e ekipit të tij Neustadt ndaj Kapfenberg të vlefshëm për javën e 15-të. Ai shënuar tripletë brenda 29 minutash lojë dhe golin e katër sapo ka filluar pjesa e dyte.

Armando Vajushi duket se është rikthyer në formën e tij më të mirë te skuadra e Serisë B, Pro Vercelli. Sulmuesi shkodran ka qenë protagonist duke dhënë një asis në fitoren 5-1 të skuadrës së tij në transfertë kundër Perugia-s. Vajushi dha pasimin e saktë për golin e 5-të të shënuar nga Morra.

Mbrojtësi i Kombëtares shqiptare, Elseid Hysaj, vazhdon të jetë në formë të mirë, duke marrë vlerësime nga mediat përtej Adriatikut. Mbrojtësi shkodran shkëlqeu edhe në ndeshjen e fundit të kampionatit në Serie A, në fitoren 3-0 ndaj Cagliari-t në “San Paolo”, duke dhënë ndihmën e tij edhe në fazën sulmuese, pasi në fazën mbrojtëse as që diskutohet që ka bërë detyrat shumë mirë.

Fillimisht shumëkush nuk besoi tek aftësitë e saj por sot, Alma Hilaj, ish- futbollistja e "Juban Danja", është pjesë e ekipit italian CF Florentia të Firences. Kjo skuadër militon në Serinë B të futbollit të femrave të këtij vendi dhe këtë sezon ka objektiva serioze për t'u ngjitur në Serinë A. Hilaj luan si mesfushore dhe ka mbërritur para një vit në Itali pranë familjarëve të saj.