SHKODRANET NEPER BOTE

Në limitet e merkatos së verës, mesfushori sulmues i Vllaznisë Uendi Vecaj firmosi për Dinamon e Zagrebit. Një lëvizje disi e befasishme për opinionin sportiv por jo për kroatët. Ata e kishin parë në stërvitje për një periudhë 10 ditore dhe kishi vlerësuar aftësitë e tij teknike. Për këtë arsye, e morën në rradhët e tyre teksa 20 vjeçari për momentin luan me ekipin B të klubit të njohur kroat.

Vllaznia për hir të së vërtetës është skuadra që ka në përbërje lojtarë vendas më shumë se çdo ekip tjetër që militon në elitën e futbollit shqiptar. Nuk kanë munguar shkodranët në Superiore, por edhe jashtë kufijve të Shqipërisë janë të shumtë, përmendim Salihin në Austri që po çmend vendin me gola dhe Balaj në Rusi.

Deri më tani askush nuk e ka ditur një gjë të tillë. Para 2-3 muajsh, thjesht në mediat tona është bërë një lajm 10 rradhës se një lojtar 17 vjeçar ka firmosur me një ekip të Superligës belge. Asgjë më shumë. Por, nga kërkimet tona na del një fakt shumë interesant. Bëhet fjalë për një futbollist me origjinë nga Shkodra i cili duket se ka shumë të ardhme dhe shumë shpejt mund ta shohim duke luajtur edhe në ekipe më me emër.

Situata tek skuadra e Flamurtarit nuk është aspak e mirë. Ngjitja në Superligë ka rezultuar më e vështirë nga sa ishte menduar dhe jo më kot, skuadra ndodhet aktualisht në vendin e parafundit në renditje. Megjithatë pasditen e sotme, kuqezinjtë i janë gëzuar një barazimi. Dhe golin që do t'i jepte pikën e vetme Flamurtarit, do ta shënonte pikërisht një shkodran.

Në Kosovë, pikërisht në Prishtinë, tifozët e ekipit të Flamurtarit po "qajnë" largimin nga drejtimi i skuadrës së tyre të trajnerit shkodran Samuel Nikaj në verën e këtij viti. Kjo nuk ka sjellë asnjëfarë progresi tek kjo skuadër e cila vërtetë është ngjitur sivjet në Superligë por duket se do të bjerë sërish në të parën sepse të dy trajnerët që e kanë drejtuar deri më tani, nuk kanë patur sukses.