SPORTE TE TJERA

Pas Bruno Kolës që u shpall fitues dje, një tjetër çiklist i Vllaznisë ka fituar etapën e tretë dhe të fundit të kupës "Mishel Cico" që u zhvillua nga Federata Shqiptare e Çiklizmit në bashkëpunim me Bashkinë Korçë, në nderim të kësaj figure të madhe të këtij sporti. Etapa e sotme ka qenë më e vështira, për shkak të terrenit malor të cilin kanë përshkruar çiklistët pjesmarrës, atë nga Korça në drejtim të Pustecit dhe kthimit sërish në Korçë, e gjatë 82 km.

Çiklistët e Vllaznisë kanë bërë një tjetër paraqitje të mirë edhe në etapën e dytë të kupës "Mishel Cico" e zhvilluar ditën e sotme. Nga tre vendet e podiumit, dy prej tyre janë zënë pikërisht prej tyre teksa Bruno Kola është shpallur fitues i saj ndërsa Astrit Kronaj ka zënë vendin e tretë. Itinerari i kësaj etape të dytë ka qenë Korçë- Podgorije- Zvezdë-Zëmblak- Korçë, e gjatë 80 km.

Çiklistët e Vllaznisë kanë dominuar sërish edhe në garën e rradhës, etapën e parë të kupës "Mishel Cico". Ndonëse ajo realisht është fituar nga një korçar, fituesit e vërtetë janë dy çiklistët e Vllaznisë, Bruno Kola e Kledison Cani ndërkohë që menjëherë pas tyre kanë qenë edhe pjestarët e tjerë të ekipit shkodran. Fitues i etapës së sotme ka qenë Pandeli Bajlozi. Ai është shkëputur në metrat e fundit para finishit duke e prekur i pari atë dhe duke lënë në vend të dytë dhe të tretë çiklistët e Vllaznisë Bruno Kola dhe Kledison Cani. Etapa e parë e kësaj kupe ka qenë ajo me itinerar Pogradec- Korçë, e gjatë 38 km.

Qamil Bajrami zë vendin e parë edhe në Kupën e Shqipërisë duke rregjistruar kësisoj suksesin e rradhës në sportin e mundjes. Ky ishte suksesi i tretë i tij në këtë kompeticion përveç dy titujve kampionë që ka fituar në karrierën e tij duke u konfirmuar edhe njëherë si një nga sportistët më të mirë të vendit. Ndërkohë, Vllaznia si ekip është renditur në vendin e tretë në renditjen ekipore pas Tiranës dhe Gollobordës me të cilën e ka ndarë vetëm një pikë.

Në kryeqytetin e Malit të Zi- Podgoricë, sot është zhvilluar një turne ndërkombëtar moshash në xhudo. Në të kanë marrë pjesë edhe disa sportistë të vegjël të "Albania Judo Kodokan", nën drejtimin e trajnerit Angjelin Dedaj. Sipas informacioneve që na mbërrijnë në redaksi, rezultatet pozitive të xhudistëve shkodranë nuk kanë munguar as në këtë aktivitet.

Javën e ardhshme, në Korçë do të zhvillohet aktiviteti i rradhës nga Federata Shqiptare e Çiklizmit. Ajo, në bashkëpunim me Bashkinë e këtij qyteti, do të organizojnë kupën në emrin e çiklistit Mishel Cico. Në të do të marrin pjesë sportistët e të gjithë ekipeve të vendit. Ndryshe nga aktivitetet e tjera të deritanishme, kjo kupë do të zhvillohet me tre etapa dhe për këtë arsye, konsiderohet e rëndësishme.

Federata Shqiptare e Çiklizmit ka organizuar sot një tjetër aktivitet në nderim të një figure të njohur të këtij sporti. Pasi ka respektuar më parë Brahim Sykën në Shkodër dhe Muharrem Hametin në Vlorë, sot në Fier është nderuar ish- çiklisti i Apolonisë Fred Simoni. Për këtë arsye, në bashkëpunim me Bashkinë e këtij qyteti, është organizuar kupa me emrin e tij. Vetë protagonisti i saj- Simoni, kishte ardhur enkas nga Kanadaja ku jeton prej vitesh dhe natyrisht që është shprehur i emocionuar për respektin e bërë.

Sukseset e ekipit të futbollit të femrave të Vllaznisë vazhdojnë. Pasi kanë fituar Kupën e Shqipërisë dy muaj më parë, sot ata janë kurorëzuar edhe si kampionë të vendit. Me këtë trofe, ata e kanë çuar në tetë numrin e tyre të fituar në këto katër vitet e fundit duke dominuar në të gjitha drejtimet ndaj kundërshtarëve. Edhe edicioni i sivjetëm ka qenë i tillë dhe titulli kampion ishte siguruar prej dy javësh në fakt por u zyrtarizua sot pas ndeshjes së fundit të kampionatit.

Çiklisti i Vllaznisë Bruno Kola "rrëmben" një tjetër trofe. Pikërisht atë të organizuar sot në Vlorë në nderim të ish- kampionit të këtij qyteti, Muharrem Hametit. Në këtë kupë kanë marrë pjesë sportistët më të mirë të Shqipërisë, garë kjo e organizuar për kategorinë e juniorëve dhe kadetëve. Ajo është organizuar nga Federata Shqiptare e Çiklizmit në bashkëpunim me Bashkinë Vlorë dhe ka patur për itinerar 20 xhiro nga qendra e qytetit deri në Skelë e kthim.