Klasikja e futbollit shqiptar po afron dhe kuptohet qe çdo dite e me shume shtohet ankthi dhe emocionet ne te dy kampet. Per Vllaznine konsiderohet ndoshta nje ndeshje me e rendesishme sepse asaj nuk i lejohet asnje rezultat tjeter veç fitores.
Bardheblute nga ana e tyre duke qene te shkeputur disi ne renditje, mund te luajne edhe per barazim ne “Loro Boriçi” megjithate ndeshja pritet te jete e hapur.
Nderkohe, ish- sulmuesi i njohur i Vllaznise se viteve ’80 Fasli Fakja, eshte i mendimit se skuadra shkodrane do te arrije te marre nje fitore te paster ne kete ndeshje.
Ne nje postim ne faqen zyrtare te klubit Vllaznia, Fakja jep madje edhe rezultatin e kesaj ndeshje: “3-0 per Vllaznine”.
Fakja e ndjek rregullisht ecurine e Vllaznise dhe nuk eshte e qarte nese kete parashikim e ka pare thjesht si nje tifoz tashme i kesaj skuadre apo pasi ka analizuar gjendjen dhe momentet e te dy ekipeve. E rendesishme eshte qe ai mendon gjithnje per te miren e Vllaznise, skuadres me te cilen luajti ne rinine e tij./SHKODRA-SPORT.COM/
